入行10年廖子妤憑《梅艷芳》奪最佳女配角 曾為角色兩度全裸演出

廖子妤
廖子妤

《第40屆香港電影金像獎》喺噚晚(7月17日)舉行實體頒獎禮,廖子妤(Fish)憑《梅艷芳》及《智齒》雙料提名最佳女配角,最終擊敗鮑起靜及李麗珍等強勁對手,以大熱姿態憑《梅艷芳》中飾演梅艷芳胞姊梅愛芳一角成功奪獎。

現年32歲嘅廖子妤來自馬來西亞,畢業於馬來西亞大同韓新傳播學院廣播電視電影系。2012年選擇隻身嚟香港追夢,因為廖子妤嘅Cool爆外形加上文青憂鬱氣質,所以被稱為「黑面女神」。廖子妤來到香港成為模特兒後繼續追電影夢,最終憑《末日派對》喺2013年初次登上大銀幕,之後佢專注演員事業,參與多套電影拍攝,例如《同班同學》、《骨妹》、《中英街1號》及《非同凡響》等等,當中喺《同班同學》及《末日派對》有大膽全裸演出。

廖子妤憑《末日派對》及《骨妹》分別獲得第33屆香港電影金像獎最佳新演員,及第36屆香港電影金像獎最佳女配角提名,演技備受肯定。到今屆香港電影金像獎,多年嚟默默耕耘嘅廖子妤,憑《梅艷芳》及《智齒》第二度提名金像獎女配角,最終憑《梅艷芳》中飾演梅愛芳一角成功勇奪獎項,成為備受觸目嘅新生代演員之一。

除咗電影之外,廖子妤亦有參與唔少劇集拍攝,包括《火速救兵3》、《向西聞記》、《理想國》及《地產仔》等等,佢喺《地產仔》中飾演和聯興地產嘅分店經理魚哥,男性化造型嘅佢深得觀眾喜愛而成功入屋。

《第40屆香港電影金像奬頒奬典禮》截圖
《第40屆香港電影金像奬頒奬典禮》截圖
廖子妤 & 王丹妮
廖子妤 & 王丹妮
《梅艷芳》劇照
《梅艷芳》劇照
《梅艷芳》劇照
《梅艷芳》劇照
《地產仔》截圖
《地產仔》截圖
《骨妹》劇照
《骨妹》劇照
《同班同學》劇照
《同班同學》劇照
廖子妤
廖子妤
廖子妤
廖子妤
廖子妤
廖子妤
廖子妤
廖子妤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能