內地女網紅參加馬拉松 疑P圖太勁被網民發現： 這是詐騙嗎？

今時今日人人都可以做女神，只要影相時用特別app或者將相片執一執先放上網，真係要V面有V面，要大眼有大眼，要完美身材都完全冇難度！被視為「全國最難中籤賽事」嘅廣州馬拉松有超過10萬人報名，可以話係一位難求，而其中一位女參賽者喺賽後上載跑步靚相，不過就被網民翻出嘅真身，結果被大批網民質疑「換樣」！

既然能夠參加呢場咁難中籤嘅賽事，一班幸運嘅參賽者當然爭相打卡啦！而其中一位女參賽者就係喺微博擁有超過56萬粉絲嘅網紅「精英跑者elite」，佢喺賽事完結後開社交網站上載跑步靚相，相中嘅佢戴上帽子，紮上一條馬尾，穿上黑色性感露腰小背心，清晰睇到號碼牌。

跑步靚相出街後，吸引唔少網民留言，更有網民意外地搵到呢位網紅嘅真實相片。網民睇到真實相片後，紛紛留言指佢P圖太勁，例如「是否精修我們還是看的出來的，右圖非常真實的肥肉啊」、「這是詐騙嗎」、「這是角度的問題嗎？」、「肚皮也p了，完全沒想到」、「這是一個人？」、「這算照騙嘛」、「不得不佩服網友的偵查能力」、「夢碎！萬惡的美顏！」、「糟糕，看過原圖 太嘔心了」及「跑步當然健康，但過份的修圖是因為自己都看不起自己健康的身體麼？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！