內地網紅「金人」造型結婚 龍鳳鈪數量驚人 排場仲勁過何超盈

中式婚禮中，新娘除咗穿著中式裙褂，少不免會將長輩送贈嘅龍鳳鈪、金豬等金飾金器戴於身上，以表尊重及接受祝賀。近日，內地社交平台流傳多張一對新人結婚嘅照片和影片，新娘將逾百對龍鳳鈪戴晒喺身上，不僅將龍鳳鈪串起成為頸鏈，龍鳳鈪數量誇張到連中式裙褂及樣子掩沒，如同一個金人，仲誇張過已故賭王何鴻燊四房長女何超盈2019年結婚時嘅逾6億「世紀嫁妝」，奢華程度惹起熱烈討論，不過後來發現原來網上所流傳嘅圖片為惡搞圖片。

據悉，該名新娘嘅身分為廣東佛山人，擔任網紅工作，然而，有網民翻出新娘行禮時嘅照片，雖然龍鳳鈪未有遮蓋上半身，但真實嘅情況同樣震撼，不但於雙手戴上巨型龍鳳鈪，更加於頸上圍上至少6圈龍鳳鈪，重量驚人，唔少網民除咗直言誇張，更多嘅係詢問新娘攰唔攰可唔可以企穩及走路等。而新娘接受媒體訪問時，就表示戴金器敬足十幾枱酒的確係幾攰。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！