《全民造星》再添食 打造女版MIRROR

Ian肉緊拍片,呼籲女生參加《全民造星IV》。
Ian肉緊拍片,呼籲女生參加《全民造星IV》。

ViuTV選秀真人騷《全民造星》捧紅最近人氣強勁的男團MIRROR及ERROR,電視台乘勝追擊開拍第4季,今次更玩「全女班」,務求打造「女版MIRROR」,並找來MIRROR隊長Lokman、姜濤、Anson Kong(AK)及Ian拍片吸引參賽者。不過,有網民擔心女團在香港冇市場,有人則笑言「食花生」,等睇一眾女生勾心鬥角。

此外,前晚播出的一集《調教你MIRROR》中,同樣有份單飛出Solo歌的AK與Jer相擁爆喊,解開因爭獎而造成的芥蒂,Jer更揚言一度不想再爭獎,以免團內再出現競爭。