兩成人無Like會喊港女：「冇讚冇留言即刪Post」

呃like成為港女建立自信嘅工具，有調查發現近6成人旅行期間會上網分享旅遊相片，當中60%即時分享旅遊照片到社交媒體，30%會係坐緊車途中或返到酒店先upload相，而有1％表示「美圖秀秀」後先會發布；咁究竟幾多like先滿意？調查訪問咗接近一千人，當中一半人表示少於20個「Like」已滿意，26％人認為要有21至40個like才滿意，1成人認為要多過80個才滿意，更有兩成人話無「Like」會喊。

事實上，每個人facebook都總有幾個你好想unlike嘅朋友，佢地唔單止去旅行個陣，平時成人post自拍照 (重點係佢唔係靚女)，夾埋無里頭或扮感性caption，你想點先？小編就有朋友，每次影完相都會靜咗15分鐘做低頭族，因為佢忙住揀相，自己影得唔靚會賴個lighting或background唔靚而重影，再美圖秀秀執大眼晴、光滑皮膚、削骨去肥，upload完之後重可以睜大眼話：「我都唔執相嘅！」你贏曬啦！

有時「呃like」都算好，有啲人更「迫like」，網上唔少人話試過比人inbox叫佢讚，亦都有港女誇張到出post話：「今晚開始del人冇讚好冇comment or 唔識既都會del」嘩，明刀明搶搶「收視」，幾時都話真正自信係「like出來的」！