「冇乜存貨喺手」 陳蕾感壓力

歌手陳蕾及吳林峰昨日出席商場活動，獻唱及與粉絲玩遊戲，圍觀途人逼爆3層，場面熱鬧。一身露背打扮的陳蕾相當吸睛，談到未有工作安排，她坦言：「今年都出咗3隻歌，但真係冇乜存貨喺手嘞，都有啲壓力，所以月中會開始放假，清空腦袋方便創作，我會去十幾日旅行。不過唔會完全唔做嘢，想爭取機程填吓詞。」她又指出席商場活動唱歌「5隻手指數得晒」，未來都想多出席類似場合，與歌迷多作互動。至於吳林峰透露今日飛台灣公幹，如果儲歌成功的話，有興趣在當地開騷以歌會友。