前區議員張秀賢被指到處借錢不還達百萬 苦主集體網上控訴

前泛民區議員、曾經係學民思潮成員嘅張秀賢，網上被多人追債，金額幾萬至百萬不等，有人質疑佢謊稱自己或者父母有病要做手術，到處問人借錢，但結果係帶女友去旅行，食好野。 財經專欄作家渾水早前率先發文，話政壇有人借錢不還，更老處話自己可以帶人去識行政會議召集人葉劉淑儀，兒童服裝店老闆周小龍就留言直指依個人係張秀賢，之後唔少人都出黎控訴，指控張秀賢向身邊所有人借錢，甚至做區議員嗰陣已經拖欠助理薪酬。 現時苦主開設咗群組，多達70人入組，當中都係前區議員、社運人士，甚至記者，據指有人借出近100萬。目前張秀賢冇回應事件。