前無綫藝員陳積榮不敵癌魔 終年38歲

前無綫藝員陳積榮不敵癌魔 終年38歲
前無綫藝員陳積榮不敵癌魔 終年38歲

前無綫藝員陳積榮(Jeff)於去年8月拍片公開自己患上第4期肺癌,一路以積極的心態對抗癌魔,近月病情一直反覆,身體狀況愈來愈差,暴瘦至皮包骨,更因接受化療令頭髮甩掉變光頭,他慨嘆表示:「我瘦到似外星人。」雖然未曾放棄,但最終未能如願康復,於今日傳來病逝的噩耗,終年38歲!

有社交網專頁透露Jeff離世的消息:「感謝大家的愛,Jeff於今晨在親人的陪伴下,已暫別我們回到天家。Jeff是一位溫柔的勇士,他勇敢堅毅,一直奮戰到最後,他曾說:『我好幸運身邊有很多朋友去陪我戰鬥,無論我戰勝與否,都希望用我的力量豐富大家!』現在他已不再痛苦了!再一次感謝大家一直以來的支持及鼓勵!他的愛和精神會一直長存我們心裏!」

在得知患上第4期肺癌,Jeff曾表示:「因為呢個病,我開咗一個時間掣,好似死亡筆記話你聽仲有幾多時間。」言語間令人感到絕望,當時醫生指因有擴散迹象,對比相同的病例,最多可能得半年命。雖然如此,Jeff未有放棄一直堅持治療希望活下去,但因藥物的費用高昂,第三代標靶藥估計要5、6萬一個月,他曾拍片希望大家能夠提供醫療意見之外,亦可以提供經濟援助,不少藝人如孫慧雪、郭富城、林盛斌等亦有幫忙轉發為他集氣。

Jeff感慨話自己瘦到似外星人。
Jeff感慨話自己瘦到似外星人。

於無綫藝員訓練班便認識Jeff的孫慧雪,在社交網發文悼念相識超過15年的好友:「你係我心中嘅勇士,你好叻呀!撐到最後!現在只係短暫離別,我哋將來再聚,多謝各位一路以嚟嘅支持 !衷心感謝。」接受訪問時她說:「係呀,佢今朝早已經離開咗我哋,雖然我哋好唔捨得,但係佢一直都好勇敢咁撐落去,亦都辛苦咗一段時間,依家佢可以去一個舒服啲嘅地方,但係佢留畀我哋嘅回憶同埋精神,我哋一直都唔會忘記!」

而林盛斌徥知Jeff離世消息後表示:「我啱啱都喺社交平台睇到呢個消息,雖然我同佢唔認識,但係我一路都有留意最近佢病情反覆嘅情況,其實佢已經好堅強,好勇敢,希望佢屋企人同朋友可以節哀順變,亦希望佢一路好走。」