劉詩昆曾兩次婚姻失敗 孫穎無懼36年忘年戀:佢嘅童心億金難買!

採訪:羅慧敏、攝影:沈健程、攝錄:馮嘉銘
採訪:羅慧敏、攝影:沈健程、攝錄:馮嘉銘

79歲嘅劉詩昆同43歲嘅孫穎愛情故事,從藝術譜出真感情,4年前二人正式公開戀情,呢段年齡相距36年忘年戀對佢哋嚟講並冇難度,佢哋思想言行一致,一生中難得遇到的靈魂伴侶,他倆真情剖白。

劉詩昆:「我找到孫穎以後,我覺得整個人生,特別是人生中的愛情、婚姻劃了一個最完滿的句號,現在已離不開她,除了感情,還有親情和愛情,我所做的一切都離不開她,做甚麼也會告訴她,每天不在一起,我們會打很多次電話,一、兩小時便會打給她。」劉老師笑指現時大家嘅關係已過咗甜言蜜語階段,經歷過兩段不愉快婚姻,劉詩昆話:「認識她(孫穎)之後才知道最好的感情是甚麼,以前不太明白。」

孫穎則謂36年嘅差距對佢嚟講啱啱好,佢話:「佢年紀對我啱啱好!我同老師思想上深度溝通,慶幸有機會兩個人喺藝術世界、現實世界中建立咁深厚嘅感情,年紀唔係問題,反而兩個人思想係大基礎,要互相配合。」孫穎仲冧爆指大家係天生嘅靈魂伴侶,佢話:「呢句說話我覺得好貼切,年紀細嘅時候感覺唔到咁深入,但老師身上嘅純真,尤其係童心真係億金難買,生活中帶畀我哋好多快樂,對我嚟講我係好需要精神上嘅燈塔,一位男士無論生活中幾艱難困苦,內心都咁靚,好童真去面對,好難諗冇咗呢個燈塔力量嘅感受,境界高於兩個人嘅相處,真係二合一。」

至於會唔會考慮結婚,孫穎話:「我哋都探討過,呢樣只係形式、儀式,我哋唔看重,冇需要。我哋互相呼應、欣賞,係真正靈魂伴侶,記得之前老師哮喘入院,姑娘問我係老師邊位?我同佢講我係佢嘅靈魂伴侶,姑娘唔畀我入去,可能佢覺得我係癲,好好笑。」

二人在音樂及感情上,都視對方為靈魂伴侶。
二人在音樂及感情上,都視對方為靈魂伴侶。
劉詩昆表示與孫穎的一段情,覺得是一個最完滿的句號。
劉詩昆表示與孫穎的一段情,覺得是一個最完滿的句號。
劉詩昆與孫穎無懼36年的年齡差距。
劉詩昆與孫穎無懼36年的年齡差距。
孫穎讚劉詩昆:「老師身上嘅純真,尤其係童心真係億金難買。」
孫穎讚劉詩昆:「老師身上嘅純真,尤其係童心真係億金難買。」
二人拍拖4年,認為結婚只是一個形式。
二人拍拖4年,認為結婚只是一個形式。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能