升呢做繼父!32歲羅孝勇入紙娶31歲模媽王丹妮

·1 分鐘文章
拍拖4年,恭喜晒!
拍拖4年,恭喜晒!

32歲巨聲幫出身嘅羅孝勇2016年承認與模媽王丹妮(Louise)相戀,拍拖4年終於修成正果,二人入紙申請註冊結婚。擬結婚通知書上,二人同樣報稱居住何文田,睇嚟一早已築愛巢,而上面亦顯示二人未婚,即Louise當年未婚產女,如今羅孝勇榮升為人夫兼繼父,雙重身份真係可喜可賀。

羅孝勇回覆東網表示:「呢件係開心事,但係我哋兩個都想低調處理,所以不便透露太多喇,但係都多謝關心啊。我哋只係覺得適合嘅時間去做適合嘅嘢,而且唔係奉子成婚,同未婚妻個女一直相處愉快,佢一直叫我Daddy!」

而王丹妮亦回覆:「多謝,但係我哋兩個比較喜歡低調做事,所以都唔想透露太多,現在生活幸福美滿,多謝關心。

【相關搜尋】羅孝勇林欣彤分手