即場爆喊!Regen難頂唔入流 Winkie指Crystal根本不算朋友

·2 分鐘文章
即場爆喊!Regen難頂唔入流 Winkie指Crystal根本不算朋友
即場爆喊!Regen難頂唔入流 Winkie指Crystal根本不算朋友

組合HotCha出身的黎美言(Winkie)今午(25日)出席活動即場爆喊,事緣前隊友Regen日前接受電台訪問,覺得Winkie性格不易與人溝通,結果觸動Winkie神經,於社交網發千字文作大控訴!

Winkie慨嘆自己已臨近情緒病邊緣,今日喊爆釋放情緒仍擔心給人「做騷」感覺,但自己不想重滔胞弟自殺的覆轍!她直言Regen不是「最難頂」一個,仍然接受對方是朋友,暗指與另一成員Crystal完全沒溝通,根本不是朋友,但對於如何交惡,她坦言:「到死嗰刻、入咗棺材都唔會講,喺呢個圈忍到最後嗰刻,嗰個先會贏!」

溝通有問題退團

她坦言Hotcha組隊翌年,已發覺好似溝通有問題,自己想退團,而所屬公司已調停很多次,仍不得要領。她又指自己遭到杯葛:「佢哋出街冇預我,成日見佢哋同老闆嘅合照,即係佢哋有聚會,而我係毫不知情。我知自己個樣生得比較惡,唔及佢哋咁入屋同甜美,但佢哋成日咁講,對我構成嚴重嘅傷害,我都要同粉絲及家人交代。」

她最不滿是每隔一段日子,其他兩位前拍檔便拿自己做話題,而年前當她參加拳擊比賽,更發生一段小插曲:「當時我遇到一班好奇怪嘅女仔一齊打拳,有人投訴我打瘀佢下巴,其實根本冇咁嘅事,點知佢哋兩個(Regen及Crystal)仲踩到我一腳,同記者講話覺得我真係大力咗。」

Winkie坦言:「有咩唔可以閂埋門講呢?大家可以溝通,解散之後3年我都仲喺度反省緊自己。如果有日佢哋反省完道歉,即係我哋和解嘅時候。其實之前有粉絲希望我哋搞15周年演唱會,我有問過Regen,不過佢話自己情緒仲未好得,所以我冇勉強佢,本來大家約咗出嚟飲餐茶,最後都係因疫情而取消咗。」

一講舊隊友就爆喊!
一講舊隊友就爆喊!
又話Regen唔係最難頂!
又話Regen唔係最難頂!
同Crystal先係冇偈傾。
同Crystal先係冇偈傾。
HotCha俱住矣!
HotCha俱住矣!
Winkie愈爆愈多!
Winkie愈爆愈多!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能