【又一童星海外出道】無綫童星冼迪琦成功入選AKB48姊妹團

娛樂LOL

雖然日本韓國女團盛行,不過其實一班香港女生亦都唔輸蝕,去到外地都獲得唔少青睞。就好似無綫童星出身嘅19歲港女冼迪琦(小迪),之前參加日本最強女團AKB嘅越洋挑戰就成功入選AKB嘅台灣分隊TPE48。

小迪日前宣布有份出戰今年6月16日舉行的「第10屆AKB人氣總選」,仲拍埋片拉票,成為首名香港女生出戰人氣總選。喺拉票片段當中,佢就用分別用廣東話、普通話拉票,仲用埋日文向日本人介紹自己,非常有誠意。

雖然小迪年紀輕輕,不過都已經身經百戰,6歲嘅時候參加《殘酷一叮》成為童星、之後亦出演過《蘭花刼》、《師奶兵團》、《律政新人王2》、《巨輪》等多部劇集,仲做過《放學ICU》的星級小主持。佢今次憑著豐富經驗同甜美樣貌成功出戰人氣總選,加油呀小迪!

其他內容