同周國賢開show 麥浚龍被指用autotune調音令網民失望 原因可能係咁?
上周六周國賢Endy同麥浚龍Juno喺亞博舉行音樂會,由於兩個人相識多年交情好好,加上Juno多年未有開過音樂會,唔少樂迷都十分期待。
不過完show之後,有樂迷話Juno演出時疑似用上autotune調校歌聲,仲話去到高音位就用方法避咗。有觀眾以為只係頭幾隻歌用autotune係營造效果,但聽聽下全晚都係有調音就覺得唔對路。
當晚完show,周國賢同麥浚龍都分別預告之後會開個唱,周仔話十月喺西九開8場,而Juno更會首度進軍紅館,時間會係明年下半年。不過有網民話聽完今次Juno唱live「有陰影 下次佢再開show要諗下買唔買」。
其實呢個音樂會入面,周國賢同麥浚龍分別以人類及AI以歌聲對壘,會唔會Juno用autotune係「劇情需要」?
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!