同病相憐 輪流遇渣男 鄧佩儀男友偷嗒姊妹 蔣家旻痛斥:閨蜜不可信!

·2 分鐘文章
劉佩玥(左起)、鄧佩儀及蔣家旻三個女人合體,講不停!
劉佩玥(左起)、鄧佩儀及蔣家旻三個女人合體,講不停!

鄧佩儀、劉佩玥與蔣家旻於新劇中飾演好姊妹,卻因「渣男」出現而導致反目,原來現實中鄧佩儀與蔣家旻也曾分別遇過「渣男」,一個被姊妹出賣,一個遇花心男友,認真慘情!

無綫台慶劇《換命真相》昨日舉行宣傳活動,譚俊彥(Shaun)、張頴康、鄧佩儀(Gloria)、劉佩玥(Moon)、蔣家旻(Angel)等齊齊大玩遊戲。談到劇情出現「渣男」一幕,Gloria坦言曾遇上類似情況:「大約5年前,都係圈外人,我個女仔朋友同咗我當時嘅男友一齊。(你點發現?)其實好多嘢都feel到嘅,再喺個女仔嘅社交網睇到啲相,加上渣男通常會留低好多線索,依家對呢啲都睇得好化。」身旁Moon及Angel為她大感不值,Angel更提醒:「真係唔好盡信閨蜜呀!(你又試過?)我冇,不過曾經同過渣男一齊,後尾發現佢周圍識女仔!」

另外,飾演好友的Shaun與張頴康,戲外同樣老友,Shaun笑說:「同佢一拍埋就爆炸,好多女同事都頂我哋唔順,好多時拍劇會飛咗唔知去邊,我用泰文講對白,佢就用韓文答,其他人通常都接唔到落去。」

張頴康譚俊彥唔講湊仔經

張頴康補充:「我哋之間唔容許有女同事出現,阻住我哋講嘢。(傾啲乜?)乜都講,我哋關係好得意,試過因為等埋位,我哋兩個就會圍住公司行圈係咁傾,但平日唔會約出街或者傾電話。(講湊仔經?)呢樣其實嘥氣,因為個個B都唔同,大家湊法唔同,我自己嗰套人哋未必啱用啦!」

張頴康(左)與譚俊彥大唔透,擺甫士不讓「異性」埋身!
張頴康(左)與譚俊彥大唔透,擺甫士不讓「異性」埋身!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能