同馮盈盈交惡變世仇 江嘉敏借林凱恩過橋轉轉黐李澤楷女友郭嘉文

東方新地
·9 分鐘文章

做人最緊要識時務,好似江嘉敏咁,同馮盈盈去完個船P就反晒面,隔空開完火連姊妹情都燒埋,姊妹少一個好閒,江嘉敏身邊大把好姊妹,最近仲借林凱恩過橋,成功埋到李澤楷女友郭嘉文堆,以後大把世界。

撰文:東方新地

江嘉敏同馮盈盈交惡開火後反面

江嘉敏日前與鄺潔楹合謀為林凱恩慶祝28歲生日,仲搵埋李澤楷女友郭嘉文幫手,呢個姊妹組合第一次見。
江嘉敏日前與鄺潔楹合謀為林凱恩慶祝28歲生日,仲搵埋李澤楷女友郭嘉文幫手,呢個姊妹組合第一次見。

娛樂圈人情紙咁薄,好妹姊話反面就反面,江嘉敏同馮盈盈就係近年嘅最佳例子,去完船P各執一詞,𢱑爛塊面都冇所謂,江嘉敏繼續唔收口,馮盈盈就好少少,唔想件事再發酵,不過之後就各行各路,好明顯冇friend做。

江嘉敏自貼四季酒店瘋狂Party照:「人越大真的越來越少笑得那麼開懷」

近日江嘉敏就自己分享咗同林凱恩賀生日的圖輯,仲寫長文多謝一班「新姐妹」,文中佢叫林做「小男友」:

因為很多因素,人越大真的越來越少笑得那麼開懷。☺️☺️

原本只是打算買一個生日蛋糕衝上小男友家,變成了幾位妃子密謀了一個小派對。然後當日小男友開心到不斷發出海豚的高音叫聲,我們成功了!

擘髀合照,江嘉敏自己話「特別喜歡第一張」。
擘髀合照,江嘉敏自己話「特別喜歡第一張」。
姐妹嘅合照就遮住心口(下圖),自己分享呢張就大方曬波罅。
姐妹嘅合照就遮住心口(下圖),自己分享呢張就大方曬波罅。
「一個生日晚餐,一首生日歌,嘻嘻哈哈就一晚了。」江嘉敏講到好簡單,仲鳴謝四季酒店:「fshongkong 真的很好很好,安排了大房間給我們,還幫忙佈置,也很貼心送上蛋糕,下午茶,還有豐富的晚餐。」
「一個生日晚餐,一首生日歌,嘻嘻哈哈就一晚了。」江嘉敏講到好簡單,仲鳴謝四季酒店:「fshongkong 真的很好很好,安排了大房間給我們,還幫忙佈置,也很貼心送上蛋糕,下午茶,還有豐富的晚餐。」
江嘉敏被指為人心攻,今次因為林凱恩生日而認識郭嘉文,睇嚟都係佢計劃嘅一部分。
江嘉敏唔止為人是非,仲好心攻同勢利,今次因為林凱恩生日而認識郭嘉文,被指處心積慮。佢自己就在社交媒體解畫:「很幸運能夠認識到 @iris_lammm ,她就是這樣一個善良可愛的小女孩。 」
女人堆是非特別多,江嘉敏同馮盈盈反面後,被指有計劃有目的埋郭嘉文堆。
女人堆是非特別多,江嘉敏同馮盈盈反面後,被指有計劃有目的埋郭嘉文堆。

黐林凱恩有著數 讚對方「善良可愛的小女孩」

冇咗馮盈盈,江嘉敏身邊仲有好多有潛質嘅姊妹,喺《愛‧回家》飾演Bonnie上位嘅林凱恩就極速補位,成為江嘉敏頭號閨密。點解話林凱恩有潛質,咪就係因為佢同李澤楷女友郭嘉文friend過打band,之前仲畀本刊影到一齊返李家大宅,江嘉敏算過度過,點會唔知黐林凱恩有著數呢?

江嘉敏呢日悉心安排,喺中環四季酒店包房為林凱恩慶生,第一次見郭嘉文而打成一片,玩得好開心。
江嘉敏呢日悉心安排,喺中環四季酒店包房為林凱恩慶生,第一次見郭嘉文已經打成一片,玩得好開心。

精心部局夾鄺潔楹上四季酒店埋堆

終於畀江嘉敏等到機會嚟喇!日前林凱恩28歲生日,江嘉敏夾埋鄺潔楹喺中環四季酒店包房為好姊妹慶生,佢哋事前仲聯絡完全唔識未見過面嘅郭嘉文,嚟個裡應外合,呃林凱恩上房畀個驚喜佢。

林凱恩將當晚一段視頻放上社交網,佢同郭嘉文上到酒店房,一開門見到鄺潔楹,佢驚喜到呆咗。
林凱恩將當晚一段視頻放上社交網,佢同郭嘉文上到酒店房,一開門見到鄺潔楹,佢驚喜到呆咗。
之後再見到江嘉敏匿喺梳化後放出氣球,林凱恩開心到大聲嗌。
之後再見到江嘉敏匿喺梳化後放出氣球,林凱恩開心到大聲嗌。
江嘉敏即時上前攬壽星女,盡顯姊妹情。
江嘉敏即時上前攬壽星女,盡顯姊妹情。
有郭嘉文幫手呃林凱恩,江嘉敏同鄺潔楹先可以畀到壽星女驚喜,順利舉生神秘生日會。
有郭嘉文幫手呃林凱恩,江嘉敏同鄺潔楹先可以畀到壽星女驚喜,順利舉生神秘生日會。

當日郭嘉文原本約林凱恩去中環文華酒店high tea為佢慶生,食完之後就呃佢陪去中環四季酒店,點知江嘉敏同鄺潔楹已一早佈局,從視頻可見,林凱恩事前真係完全唔知情,鄺潔楹仲同郭嘉文say hello話係第一次見,江嘉敏就匿埋放波波製造驚喜,就係咁,四個女仔就嘈喧巴閉咁玩足一晚,話晒一次生兩次熟,江嘉敏有林凱恩做中間人,今次順利埋到郭嘉文身。姊妹堆愈玩愈富貴,江嘉敏目標明確,向上爬。

早前江嘉敏生日,林凱恩都為佢悉心安排生日飯。
早前江嘉敏生日,林凱恩都有為佢悉心安排生日飯。
馮盈盈由閨密變成世仇,江嘉敏都要搵新女頂上,最近佢同劉穎璇都好friend。
馮盈盈由閨密變成世仇,江嘉敏都要搵新女頂上,最近佢同劉穎璇都好friend。

選港姐攞唔到冠軍唔緊要,最緊要好似15年季軍郭嘉文咁條命生得好,入行後在無綫《東張西望》做個主持仔,一個唔覺意畀李澤楷睇中,時來運到唔使捱,生活無憂乖乖做小小超女友。郭嘉文升呢後依舊貼地,與她相識於港姐時的林凱恩仲友誼長存,兩姊妹keep住密密見,郭嘉文更為林凱恩終身幸福著緊,經常帶住閨密在身邊,躋身上流社會,搵機會介紹筍盤畀林凱恩識。李澤楷身邊友人非富則貴,有郭嘉文出力拉紅線,林凱恩要釣金龜就要把握機會喇!

林凱恩為李澤楷女友郭嘉文好閨密

由平凡的《東張西望》主持變身李澤楷女友,郭嘉文當然有其過人之處,聽教聽話為人純樸低調就是她的優點,身為其閨密的林凱恩,當年選港姐奪得《友誼小姐》,從此與郭嘉文有影皆雙,二人同年加入無綫互相扶持,即使郭嘉文華麗轉身成為李澤楷身邊人,亦無損她們的感情,日見夜見情如姊妹,去年李澤楷拖郭嘉文現身馬場首次確認關係,林凱恩亦陪伴左右。

小小超唔得閒,郭嘉文與林凱恩就密密見,社交網上有大量閨密合照,攬頭攬頸關係有如親姊妹,郭嘉文更暱稱林凱恩做「寶寶」。
小小超唔得閒,郭嘉文與林凱恩就密密見,社交網上有大量閨密合照,攬頭攬頸關係有如親姊妹,郭嘉文更暱稱林凱恩做「寶寶」。
27歲林凱恩有李澤楷女友射住 《愛回家》「Bonnie」隨時釣金龜
27歲林凱恩有李澤楷女友射住 《愛回家》「Bonnie」隨時釣金龜
郭嘉文與林凱恩同於15年參選港姐,郭嘉文是當年季軍,林凱恩只奪「友誼小姐」,二人同齡一拍即合。
郭嘉文與林凱恩同於15年參選港姐,郭嘉文是當年季軍,林凱恩只奪「友誼小姐」,二人同齡一拍即合。
郭嘉文入行後才完成香港城市大學工商管理學學士課程,當年畢業林凱恩亦有到賀。
郭嘉文入行後才完成香港城市大學工商管理學學士課程,當年畢業林凱恩亦有到賀。
郭嘉文桃花運旺,四年前開始與李澤楷交往,蜜運中的她不忘為好姊妹林凱恩謀幸福,出力介紹筍盤給對方。
郭嘉文桃花運旺,四年前開始與李澤楷交往,蜜運中的她不忘為好姊妹林凱恩謀幸福,出力介紹筍盤給對方。
16年情人節,李澤楷與當年23歲的郭嘉文蜜遊東京,去年合體現身馬場公開活動,真正首次公開認愛,閃爆娛樂頭條!
16年情人節,李澤楷與當年23歲的郭嘉文蜜遊東京,去年合體現身馬場公開活動,真正首次公開認愛,閃爆娛樂頭條!

擴大社交圈子郭嘉文幫手拉紅線

林凱恩在無綫機會不斷,17年加入處境劇《愛‧回家之開心速遞》飾演「譚育英(Bonnie)」一角漸為人所認識,同年於台慶劇集《降魔的》內飾演「張佩玲」也獲網民讚賞,去年更於《她她她的少女時代》中飾演要角「張晴」,表現再次受到注目,更憑此角色提名《萬千星輝頒獎典禮2019 》「最佳女配角」及「飛躍進步女藝員」。默默耕耘向上爬的同時,其實林凱恩亦等緊她的Mr.Right出現,據知情者透露,「 Iris(林凱恩 )事業心較重,佢好鍾意演戲,不過眼見 Karmen(郭嘉文 )做咗小小超女友好幸福,佢都想搵個膊頭挨吓。Karmen見好姊妹同阮政峰甩拖後一直冇拖拍,dry成咁,成日搵機會介紹啲朋友佢識,每逢小小超有咩社交聚會,如果可以帶埋 Iris都會預埋佢,主要都係想擴大佢個社交圈,等佢識多啲筍盤睇吓有冇機會發展。」

郭嘉文成為港姐季軍後加入無綫,做過《東張西望》主持又拍過劇做閒角。
郭嘉文成為港姐季軍後加入無綫,做過《東張西望》主持又拍過劇做閒角。
當年出入搭巴士同地鐵,現在今非昔比出入有專車接送,不過她為人低調不愛炫富,所以深得李澤楷歡心。
當年出入搭巴士同地鐵,現在今非昔比出入有專車接送,不過她為人低調不愛炫富,所以深得李澤楷歡心。
成為小小超女友後,郭嘉文即退出幕前,李澤楷曾委任愛將李智康代簽臨時買賣合約入手過億天池屋贈她,又經常帶她出外遊埠玩樂,可見其得寵程度。
成為小小超女友後,郭嘉文即退出幕前,李澤楷曾委任愛將李智康代簽臨時買賣合約入手過億天池屋贈她,又經常帶她出外遊埠玩樂,可見其得寵程度。
男友日理萬機,郭嘉文除了搵閨密林凱恩陪伴,最大的樂趣就是養寵物,除了養了多年的貴婦狗,早前更特別買了芒果蛋糕為愛貓「肥佬」慶祝三歲生日。
男友日理萬機,郭嘉文除了搵閨密林凱恩陪伴,最大的樂趣就是養寵物,除了養了多年的貴婦狗,早前更特別買了芒果蛋糕為愛貓「肥佬」慶祝三歲生日。
在處境劇《愛‧回家之開心速遞》中,林凱恩飾演的Bonnie與飾演廢青安的周嘉洛是一對。
在處境劇《愛‧回家之開心速遞》中,林凱恩飾演的Bonnie與飾演廢青安的周嘉洛是一對。
去年周嘉洛在《萬千星輝頒獎典禮2019》中奪「最佳男配角獎」,林凱恩當場爆喊甚激動。
去年周嘉洛在《萬千星輝頒獎典禮2019》中奪「最佳男配角獎」,林凱恩當場爆喊甚激動。
林凱恩與郭嘉文同樣出身自小康之家,自小父母離異,孝順的她與母親感情要好,當年選港姐也是為了一圓母親心願。
林凱恩與郭嘉文同樣出身自小康之家,自小父母離異,孝順的她與母親感情要好,當年選港姐也是為了一圓母親心願。

早前本刊記者於銅鑼灣時代廣場見到郭嘉文與林凱恩行完街,由司機接送直抵李澤楷位於石澳的大宅,當日林凱恩身穿黑色上衣碎花裙,與好姊妹郭嘉文一樣薄施脂粉,看來想有樣學樣,走清純乖巧路線,希望能遇上一段童話般的姻緣。正所謂近朱者赤,林凱恩有郭嘉文射住,隨時釣到金龜。

這日郭嘉文身穿見光多次的舊外套,相約林凱恩同逛銅鑼灣,之後上了李澤楷為郭嘉文準備的專車離開。
這日郭嘉文身穿見光多次的舊外套,相約林凱恩同逛銅鑼灣,之後上了李澤楷為郭嘉文準備的專車離開。
"向來以純樸見稱的郭嘉文,與閨密林凱恩同樣薄施脂粉,冇戴黑超打扮亦簡潔,二人<br
"向來以純樸見稱的郭嘉文,與閨密林凱恩同樣薄施脂粉,冇戴黑超打扮亦簡潔,二人
二人坐上專車直達李澤楷位於石澳的大宅,看來郭嘉文早已入晒屋,以半個女主人身份招待林凱恩返家。
二人坐上專車直達李澤楷位於石澳的大宅,看來郭嘉文早已入晒屋,以半個女主人身份招待林凱恩返家。

延伸閱讀:

楊明醉駕犯法?楊明半山揸Benz炒車!滿身酒氣拒「吹波波」送院

【迷網大結局劇情21-25集劇透】陳曉華目睹朱敏瀚車禍、高海寧遇襲昏迷楊明不離不棄