否認搵高人催運 陳山聰平常心爭視帝：想中六合彩先

被視為今屆視帝大熱的陳山聰，昨日出席拉票活動時表示「會盡力跑完呢場賽事」，頒獎禮當晚則以平常心睇騷。談到獲高人指點催運，他笑言：「如果係我想中六合彩先。」

陳山聰、劉佩玥、郭柏妍與江美儀等，昨日現身電視城為台慶頒獎禮入圍「最受歡迎電視男、女角色」10強拉票。對於有指山聰獲高人指點，日前出席活動時雙手戴上水晶及佛珠催運，他說：「眾所周知我好喜歡飾物，如果有高人指點，我希望中六合彩先，要幫個仔交學費呀！」對於成為視帝大熱，他讚競爭對手郭晉安與馬國明等都很有實力：「能夠同佢哋落場比賽係開心嘅事，無論點都好，盡力跑埋呢場賽事，已經去到最後800米入直路，當晚我想平常心enjoy個騷。」

「有啲人想特別多謝」

問到有否諗定感謝詞？他笑言：「每年都應該要諗嘅，希望始終有一日係自己，有啲人我亦想特別多謝。（最想多謝邊個？ ）依家唔講住，希望當晚你有機會聽到我講。」

至於郭柏妍憑《下流上車族》人氣急升，「媽媽」江美儀亦對她信心十足，不過她坦言最想《下》劇奪「最佳劇集」。談到有份拍電影《驅魔龍族馬小玲》，卻出師不利停工，她坦言：「我嘅戲份拍晒喇，對製作人陳十三嘅出品好有信心，相信唔使幾耐，成部戲就可以完成。」

另外，無綫公布上周收視，王牌節目《東張西望》保持強勢，跨平台直播收視最高23.1點，高踞榜首，處境劇《愛．回家之開心速遞》最高收視22.2點，排第2位。