吳家樂效力TVB 30年宣布離巢 圈中好友送祝福

近年越來越多藝人離開TVB，最新就有效力30年嘅吳家樂。佢今日下午喺IG上載關於工作點滴嘅影片，並宣布離巢消息話：「有幸能效力陪伴好多人成長的電視台30年。多謝TVB給予我演出機會，由幕後音響組、搞笑扮嘢、節目主持、拍攝劇集，實在有太多美好回憶了。謝謝多年來合作過的單位。特別要多謝Jazz文偉鴻監製，大膽地給予我有極大發揮嘅角色，每次開劇都給予我演出機會，能夠參與到你咁高水準嘅作品實在獲益良多。還有Andy陳耀全監製和廖晉碩監製。最後要多謝珍姐同全哥。一個段落的完結，便是另外一個段落的開始！」。

離巢消息公佈後，唔少圈中好友留言送上祝福，好似就有陳自瑤「明天會更好！衷心祝福你 加油」、張振朗「加油呀！有緣再見」、袁文傑「一切順利」及黃建東「家樂師兄，好開心可以認識你同埋同你合作。thank you so much」等等；同時一班網民亦送上祝福，例如「一切順利，前程似錦」、「期待在另一個平台 你的演出」及「All the best」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！