吳浩康再拍片紀錄地盤日常 下午茶豐富到唔信 慘慘豬開工安全帽被偷 ：唔係升職

入行20年嘅吳浩康去年離開英皇之後，周不時喺IG分享而家佢做地盤工嘅生活日常，獲得唔少網民大讚係「職安真漢子」。繼之前分享地盤午飯食乜之後，Deep又再拍片俾大家知道，地盤工人下午茶係食咩。

片中所見Deep同一班工友食tea得非常豐富，有炸雞、漢堡包、菠蘿包等等，仲係搵外賣app叫人送到，Deep又拎住一袋食物話「請飲茶」，好豪氣。即使冇咁多嘢食嘅日子，都會有魚仔餅、朱古力等小食。而片中Deep帶住升咗職先有嘅粉紅色頭盔，仲話要搵出邊個偷咗佢嗰頂。原來Deep之後受訪時強調自己冇升職，係因為俾人拎咗自己嗰頂先至借住用。

有網民話Deep佢地食下午茶食得咁豐富，超出佢對地盤工作嘅想像；亦有地盤界網友話，好多地盤都唔俾叫外賣下午茶，以免製造垃圾，認為Deep所做嘅地盤好好環境。

而家Deep做地盤養家以外，仲繼續教人唱歌同做其他音樂工作，而Deep呢條片嘅尾段提到「2月24日大事發生」，究竟係會出新歌定係開音樂會？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！