吳浩康愛情史戰績彪炳 傳與郭思琳秘撻 舊愛仲有視后／有錢女／咪神...

37歲吳浩康（Deep）除咗出名靚聲之外，花弗形象同樣深入民心。今日有報道指吳浩康喺與「咪神」崔碧珈分手後，已經秘撻「格鬥女神」郭思琳半年，喺白色情人節當日仲俾人影到穿上情侶裝蜜遊南丫島。睇返阿Deep嘅愛情史，佢嘅戰績可以話係非常彪炳，前度女友個個都有返上下，而家就同大家重溫一下佢嘅舊愛啦！

胡定欣
「視后」胡定欣同吳浩康都係1999年 《全球華人新秀歌唱大賽》 嘅參賽者，二人入行後秘密拍拖，直至2004年戀情公開。雖然當時阿Deep當時惹上官非兼事業受挫，女方繼續留喺身邊扶持，但可惜2006年有傳男方移情別戀搭上莊思敏，導致戀情告終。

莊思敏

「拿督女」莊思敏（Jacquelin）與吳浩康相戀後愛得調高，不時拍拖出席活動，但係喺2011年宣布結束5年情，分手收場。

鍾舒漫
鍾舒漫（Sherman）與吳浩康同屬一間唱片公司，二人喺2013年開始拍拖，之後更經常以情侶檔形式出席活動。拍拖兩年幾已經去到談婚論嫁階段，但阿Deep突然被爆出一個月偷食6女，最後佢哋宣布分手，做返朋友。

李昭南
ViuTV主持兼美國華埠小姐李昭南（Mishy），除咗有樣有學歷之外，家底亦都相當豐厚。佢同阿Deep拍拖雖然只有兩年，但阿Deep喺2018年分手時表示心中仍然好愛佢。

崔碧珈
36G「咪神」崔碧珈（Anita）喺2019年4月傳出與吳浩康拍拖，其後二人雙雙否認。去到12月崔碧珈就喺社交網站鬧爆男方，並指未能互相包容而導致分手。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！