吼實台慶大獎 譚俊彥趁旺執金

·2 分鐘文章
譚俊彥一改被動習慣,開口為「視帝」拉票。
譚俊彥一改被動習慣,開口為「視帝」拉票。

今晚無綫台慶有10両黃金作大獎,譚俊彥笑言曾在綵排時「中獎」,希望正式時再抽到他!而周嘉洛一心想與緋聞女友蘇韻姿分「金」同味,可惜慘食檸檬。

無綫藝人譚俊彥(Shaun)、周嘉洛、劉佩玥、蘇韻姿、JW、吳業坤等,昨晚在電視城為《萬千星輝賀台慶》進行序幕綵排,今晚逾150位藝員及50位歌手將分為藝員隊及歌星隊,爭奪總值55萬元理財存款及10両千足黃金。

最近落力宣傳劇集《換命真相》的Shaun曝光率超高,談及小生陳豪、王浩信、馬國明缺席,會否趁機為「視帝」拉票?他說:「都要做嘅!既然有份參與就做好佢,以前會諗『都未到我啦』!依家心態唔同咗,就算今年真係冇,都改咗以前唔夠主動嘅壞習慣。」問到人氣旺,會否希望贏得10両黃金?他笑說:「以前試過綵排時被抽中,希望今年綵排時抽唔中,到正式先到我啦!金喎!好似啲學費喺眼前飄過咁!」

蘇韻姿唔益嘉洛

曾傳緋聞的周嘉洛與蘇韻姿全程零芥蒂,不過2人近排少見,蘇韻姿表示看不慣嘉洛的新髮型,更詐型說:「約佢食飯,成日都度唔到期。」嘉洛則透露將重返《愛.回家之開心速遞》拍大堆頭戲。問2人可有信心奪得黃金大獎,嘉洛即對蘇韻姿說:「如果攞到一人一半。」怎料對方請食檸檬:「我淨係諗請食飯咋!」

而吳業坤、JW代表歌星隊出戰,JW嫌棄吳業坤,指近排拍劇集《青春本我》見得太多,更有感情線。問有否親熱戲,JW說:「梗係冇啦!連拖手都冇呀!(希望續集有?)希望續集換人啦!」吳業坤抵死說:「你忍埋我呢個月啦!不過我好鍾意見到你,因為你係唯一一個會畀反應我嘅人,見你好似見到家燕姐咁!」

周嘉洛與蘇韻姿感情要好,傳緋聞都冇芥蒂。
周嘉洛與蘇韻姿感情要好,傳緋聞都冇芥蒂。
JW勁嫌棄吳業坤,笑爆嘴!
JW勁嫌棄吳業坤,笑爆嘴!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能