周啟生點名批評林家謙「廢青」惹熱議 網民反擊：廢青喺紅館開過七場演唱會，你呢？

音樂人周啟生早前對後輩多番批評惹起爭議，例如評擊陳蕾紅館演唱會彈結他甩皮甩骨、唱現場近乎離晒譜咁走音，及對《中年好聲音2》評審作出質疑，指唔明撐一個人人都認為唱歌唱得唔好嘅女歌手擔任唱歌比賽評判係咩邏輯，雖然無指名道姓，但疑似影射楊千嬅。近日佢又出PO叫網民揀選最唔想聽到佢唱歌嘅男女歌手，之後佢點名批評曾奪叱咤樂壇男歌手金獎嘅新生代人氣男歌手林家謙。

周啟生喺Facebook發文並上載一張由三男兩女合成嘅圖片：「今日想同大家玩一樣未玩過嘅嘢：大家選一男一女，你最唔要聽到佢唱歌嘅歌手！哈哈大笑 PS : The one simply you don’t wanna hear for long！呢一張相係我揀咗三男兩女嘅照片，然後做一個合成照，我個女幫我整嘅，實際上佢整得靚咗好多，本來嗰五張相都幾醜樣！」

呢個PO一出，有唔少網民都留言列出心目中嘅男女歌手，其中一位網民就點名林家謙，結果就引起周啟生回應話：「嗰條廢青我都麻麻哋鍾意！」網民表示：「佢返去做幕後我冇問題㗎。」，不過佢回應：「又唔見佢幕後有咩條件！」

有網民為林家謙平反：「其實作為一位樂壇前輩，你唔識得欣賞林家謙唔緊要，但話人係廢青，你自已其實都係一條廢老，活係自已嘅框框，以為自已係最叻，唔知道世界在改變，有新事物嘅出現… 廢青喺紅館開過七場演唱會，你呢?」

去到今日，周啟生喺留言區寫上：「林家謙有班好X戇X嘅盲迷走入嚟，冇料扮四條！洗乾淨個屎窟等住俾我踢啦！你咁鍾意佢出多幾個post去愛慕佢啦！哈哈大笑」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！