周柏豪社交平台用簡體字出PO 懶理香港網民不滿指係為迎合星馬粉絲

周柏豪近年主力喺內地發展，先後憑《聲生不息》、《披荆斬棘》第二季及《大灣仔的夜2》等綜藝節目獲得內地網民關注。唔知係唔係長居內地，周柏豪喺上年年中開始用簡體字出帖文，呢個舉動令到香港嘅網民非常不滿，不過身在香港嘅周柏豪就話用簡體字係為咗迎合星馬嘅粉絲，仲話唔會為佢帶嚟壓力，有網民不滿亦對佢冇太大影響。

專注內地發展嘅周柏豪，喺上年年中開始用簡體字出帖文，結果引起唔少香港網民留言表達不滿，例如「連繁體字都唔識啦？唉」、「直接用簡體 扮都唔扮了」、「字都唔識打就返去微博出po啦」、「超後悔曾經係佢fans 點解而家可以咁7」、「簡體字 變質了 向錢低頭」、「依度唔係微博喎，唔使咁乖架」、「用簡體字証明你愛國，咁愛國就買喜羊羊比個女玩，唔好玩日本設計出品嘅玩具！要愛國就做好D，預左有人批判你！」、「真係慘奶到黎fb都要繼續奶，算啦不如」、「真係勁失望 點解係Facebook都要打簡體字」及「睇簡體字嘅理論上睇唔到呢度，你啲殘體字打俾邊個睇？真係望見你而家咁嘅款就覺得嘔心」等等。

而周柏豪噚日（22日）出席活動就解釋使用簡體字出PO嘅原因，佢指自己既Facebook粉絲數目最多嘅係來自星馬，為咗方便佢哋而使用簡體字，寫嘅時候冇特別嘅諗法，只係想佢哋可以睇得舒服，想俾咩人睇就用邊一種字體。對於香港網民嘅不滿，佢就話唔會為佢帶嚟壓力，亦對佢冇太大影響。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！