唔當ViuTV係友台?歐陽震華咁樣講

唔當ViuTV係友台?歐陽震華咁樣講
唔當ViuTV係友台?歐陽震華咁樣講

藝人歐陽震華(Bobby)與馬德鐘(Joe)今日為新劇《伙記辦大事》宣傳,現場還有十多架鐵騎造勢。講到新劇口碑不俗,Bobby稱是大家功勞,問到是否預期之內?他說:「唔係,之後仲會上。」又開玩笑指現時有40點收視,預計之後有70點收視,發揮搞笑本色。

想互換角色

講到友台ViuTV來勢洶洶,他反問:「仲有咩友台?我仲停留喺80年代嘅ATV。(你係收視福將唔擔心?)唔好畀啲無形枷鎖我,都係要睇表現,好似馬德鐘依家係視帝,佢都努力咗好多年。(對收視有信心?)套套都會問收視,觀眾睇得開心最重要。」他指最初是有意飾演Joe亦正亦邪的角色:「監製話你都係做正派,你做反派好多人會笑。」Joe也想交換角色:「有乜理由唔係我做G4。」現實中曾做過G4的他,直言入行以來從未飾演過G4角色。

唔覺同陳瀅係忘年戀

劇中Joe與年紀相差21年的陳瀅飾演情侶,被指忘年戀,Joe說:「我冇諗呢樣嘢,我覺得OK,我哋唔係後生仔女嗰種激烈,而係細水長流。」Bobby就自言跟萬綺雯在劇中關係未有明確交代,形容是閨蜜,又指現實中多閨蜜:「晚晚打畀我,全部都係唔開心先搵我,我好似聆聽者咁畀意見。(唔怕太太呷醋?)我啲閨蜜太太全部都識,高矮肥瘦古靈精怪乜都有,所以太太好放心。」

馬德鐘同相差21年嘅陳瀅演情侶。
馬德鐘同相差21年嘅陳瀅演情侶。