土耳其海灘被「鼻涕蟲」攻陷 恐導致海洋生物大量死亡
講起海灘,大家都會諗起風光明媚、椰林樹影,不過如果你見到整個海灘上都係一大片黏液,係咪會嚇到擰轉頭走呢?位於土耳其伊斯坦堡Marmara海岸海灘就正受「海鼻涕」(Sea Snot)攻擊,全灘都佈滿海鼻涕!
海鼻涕係由海藻類植物及浮游生物釋放出嘅有機凝膠物質,呈灰色及十分濃稠,亦因為咁被稱為「海鼻涕」。由於海鼻涕容易滋生細菌,加上大量海鼻涕導致海面幾乎完全被擋,陽光未能照入海中,亦同時令海中含氧量大減,會導致大量海洋生物死亡。
至於原因,其實自2007年開始土耳其間中都有海岸出現海鼻涕,但都無今年如此嚴重,深度更達30公尺,當局派潛水員下海視察,發現海底珊瑚都已經被海鼻涕所包圍。據專家推斷,好大可能係氣候變化加上人類排污造成大量營養物漂游於海洋,引致滋生海鼻涕。
全新Yahoo APP日日有獎,隨時抽中DON DON DONKI $1000現金券、Häagen-Dazs™ 現金券、天仁茗茶現金券以及高達1000YPoints,立即下載!
相關文章: