墨西哥發現瑪雅第一艘奴隸沉船 勢成潛水熱點

·1 分鐘文章

瑪雅古文明向來係唔少人醉心研究對象,對於呢個曾經存在過嘅最大古文明,目前所知嘅其實十分之少,不過其實瑪雅人後代一直至19世紀都仍然存在於墨西哥地區。

近日於墨西哥就有大發現,於西沙爾4公里外海域水底發現一艘1861年沉沒嘅蒸氣船「La Union」(聯合號);考古學家相信輪船係用作運走瑪雅人外出當奴隸,當年唔少瑪雅人都被威逼利誘帶走運送至外國例如古巴等地做奴隸,聯合號就係其中一艘當年用作運送嘅輪船,有紀錄記載曾經一次運送29位瑪雅人,其中7人更只係小朋友。

聯合號於1861年9月離開港口往古巴中途,鍋輪爆炸起火並沉入海底,相信船上人士都全部遇難。今次發現奴隸船可以話極具歷史意義,因為係第一次亦係唯一一次搵到運送瑪雅人嘅船隻,相信考古學家會搵出更多有關當年瑪雅人慘變人球嘅情況,而且仲會開放海域予當地潛水遊客參觀呢。

墨西哥搵到159年前沉沒古船,用作運送瑪雅奴隸之用。
墨西哥搵到159年前沉沒古船,用作運送瑪雅奴隸之用。
古船殘骸之中或者可以再搵到當年慘況,極具考古價值。
古船殘骸之中或者可以再搵到當年慘況,極具考古價值。
墨西哥沿海城市西沙爾有唔少海洋活動,包括潛水。
墨西哥沿海城市西沙爾有唔少海洋活動,包括潛水。

相關文章:

行山路線推介百年歷史古道-茅坪廢村探險一日遊

疫情下邊境關閉-野生犀牛數目上升

2020-年紅葉預報最佳賞楓時期跟去年相若-北海道旭岳已變色

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能