大婆大反擊 連續2日買頭版廣告位勸情婦放手

19+

 

呢期香港好多人要表態,有錢嘅梗係落報紙頭版廣告啦,

網上一定有人share,路過一定有人睇到,

線上線下都收宣傳效果。

 

而喺台灣,呢期當地大報《聯合報》,

連續2日嘅頭版半版廣告……都係懷疑由一名大婆包起。

 

尋日第一篇廣告,上面有張低胸女子與男士合照,

懷疑相中女士就係情婦。

內文仲爆出第三者姓蔡,以及電話號碼部份數字,

並寫道「請妳可以選擇放手嗎?」,

又勸第三者手下留情,「妳花了我孩子的爹不少錢,也許妳並不是只叫我家老爺老公,但妳畢竟年輕,終會有更好的歸宿,我們不想因妳的介入造成家庭失和。」

署名就係「忍無可忍且做牛做馬數十載的工具人」。

廣告尾段仲預告「明日待續」(即今日),令台灣花生友都等睇有咩爆。

 

而今日嘅廣告就刊出第三者照片,只係眼睛俾黑線遮住。

內文係「人誰無過?相信你是聰明人,會做出不自誤誤人的決定。我伴了我家老爺長達四分之一世紀以上的歲月了,在他生病時,妳無法隨侍在側照料,也不是妳的錯;對我而言,他就是我的唯一,現在我不希望妳因為這種不值得等待的人,蹉跎掉美好而寶貴的年華,加上他無法能再有繁衍的機會,這對任何人來說,都是一種傷害。」

「我已年邁,不想再用訴訟的手段、去揭露更多的不堪。我只是會在此告訴大家:『知難而退』有多麼重要!」。而今日嘅署名就係「字字血淚的工具人」。

據知,喺《聯合報》登呢類廣告2日,花費大約百幾二百萬台幣,

即係港幣三四十萬起錶。

而廣告出現之後,唔少消息傳出,

有人爆大婆係因為發現老公同情婦歐遊又買名錶先知出事。

似乎都係一單豪門恩怨啦喂~~

原文傳送門(尋日廣告)

原文傳送門(今日廣告)

 

你可能還想看