奪郭柏妍初戀「頭皮」 吳卓衡:係好朋友

·1 分鐘文章
吳卓衡因飾演「頭皮」開始為人注意。
吳卓衡因飾演「頭皮」開始為人注意。

不少藝人因《愛.回家之開心速遞》成功入屋,連帶他們的戀事亦備受關注。於該劇中飾演「頭皮」的吳卓衡被指與現年23歲、去年港姐季軍郭柏妍「暗撻」逾大半年,2人被拍得出席活動後避忌分開坐巴士,但轉頭又「合體」一同搭的士,因女方曾在選美期間自稱沒有任何戀愛經驗,故今次愛情「零的突破」,有不少人羨慕「幸運兒」吳卓衡。

記者就此事致電吳卓衡,他否認拍拖,但多次強調雙方是好朋友:「我哋係好朋友關係,之前聽啲前輩講,做藝人要有多張刀、張張利,所以我乜嘢都想學,佢都係,之前報演技班、又跟Sunny Wong學跳舞,都咁啱喺出面撞到佢,依家佢開始拍劇,我哋都有互相提點,公司好多同事都互相幫助,總之一切以事業為重。」

郭柏妍去年選港姐,還未卸任已爆緋聞。
郭柏妍去年選港姐,還未卸任已爆緋聞。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能