學是學非丨火博士去年被爆要求A0天主教徒女學生代手淫 科大證實已離職
曾為TVB節目《學是學非》擔任專家嘉賓,人稱「火博士」嘅香港科技大學(科大)化學系講師陳鈞傑(Jason)去年被爆出桃色糾紛,當時一名自稱A0嘅天主教徒女學生Zenobia於IG發文詳述與「火博士」嘅關係, Zenobia描述與「火博士」於2018年認識,當時對方有女朋友,但幾乎每晚會喺科大嘅辦公室梳化攬住一齊瞓覺,後來因自己鍾意嘅男仔Y而唔開心,被火博士安慰期間對方伸手入上半身開始摸,2020年9月開始更要求自己幫佢手淫,甚至口交。Zenobia亦指,當時因太驚而未有拒絕,但事後覺得自己好污糟。事件被「火博士」女朋友得知,Zenobia與火博士關係破裂,火博士反稱自己係受女方勾引;而Zenobia就喺IG表示自己所講嘅都係事實,並指持有「火博士」體液DNA、錄音等作證據。
「火博士」過去形象正面,不時都會喺唔同展覽、電台節目、學校分享化學知識,去年6月份更獲民政事務局及康文署頒發嘉許狀,呢次桃色糾紛令佢形象插水。科大當時表示涉事教職員休假,已安排其他教職員接替其教學職務。近日,有網民就喺討論區以「科大火博士原來被科大炒咗?」為題發文,指見到科大官方網站中,化學系講師名單冇咗火博士個名,懷疑佢已遭解僱。科大昨日(19)回應傳媒查詢,證實火博士已非科大職員,不過未有描述其離職原因。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!