宋熙年帶住孕肚去旅行 10位女星大解放齊晒水著照

東方新地

更新日期： 2018年5月8日上午7:00

剛剛踏入五月，天氣開始熱，又係時候同陽光玩遊戲，一班女星急不及待上載水著照，實行大晒身材！就連陀住BB嘅宋熙年都大晒泳衣相，只見腹部微微隆起，手腳仍然纖幼！

撰文：東方新地｜圖片：新傳媒圖片

宋熙年

宋熙年同陳智燊(Jason)今年四月，宣佈造人成功，宋熙年陀「Boss Baby」！近日二人去咗位處印度洋、非洲東南面嘅毛里裘斯旅行，宋熙年於IG貼出大肚泳衣相，藍天白雲天氣超好，相中見呢位靚孕媽冇乜水腫，只係腹部微微隆起，手腳仍然纖幼！

另一張相見佢坐咗喺後院嘆美食，好爽！

江若琳同生煎皇蕭潤邦今年1月選擇在Oscar生日當日公布埋婚訊，又鐵定今年12月23日在紅磡筵開40席舉行盛大婚禮，近日江若琳仲同蕭潤邦飛到馬爾代夫預支蜜月。

兩人仲喺各自IG不停花式放閃！

「木偶哥」林師傑一句「歐陽巧瑩入咗我生命！」，就宣布封盤做人夫，年底佢跟35D索女友歐陽巧瑩(Tammy)結婚，能夠令一個浪子收心養性，歐陽巧瑩當然有其過人之處，早前Tammy大晒其性感泳衣照，真係so hot⋯⋯

歐陽巧瑩份人真係好豪邁，早前佢唔戴bra影咗張相，原來佢話要撐「世界無胸罩日」，Tammy話：「今日係「世界無胸罩日」(No Bra Day)，我希望香港人可以多啲了解呢件事！解開胸前嘅束縛，防治乳癌！」

林芊妤(Coffee)被爆與圈外男友翟志榮(Weng)秘密入紙結婚，Coffee隨後亦公開宣布自己懷孕近四個月，認真恭喜哂呀！據知Coffee預產期為今年11月，正陀住B仔，早前佢貼咗啲旅行時影嘅水著照，當時都仲未見肚，仍然超fit，不過嚟緊一段日子可能都冇咩機會睇到佢弗爆迷人身材！

黃心穎日前同兩位家姐黃心妙、黃心慧及姨甥女Livi去泰國同陽光玩遊戲，當然唔少得曬太陽、著三點式，心穎只係貼咗張背面相，不過佢家姐心妙就貼咗張正面貼，但就舉V遮住細妹個心口！

心穎名副其實有前有後，之前森美帶埋幾位靚女高海寧、黃心穎同麥美恩一齊飛去日本拍攝《森美旅行團》，森美不慎將心穎嘅低胸大合照流出，自己都好自責。

28歲的藝人魏焌皓今年4月突然離開TVB，有傳係魏焌皓被指拍攝《使2》期間對同劇十優港姐麥明詩犯了不當行為，疑似在劇外「強吻」女方，消息傳出後，引起網民熱烈討論！麥明詩對傳聞一於封口，而佢早前最近去了蘇梅島旅行，享受陽光與海灘，而網民們就可以享受福利，可以看吸睛的泳衣照！

傅嘉莉近日拍由王偉仁監製的TVB新劇《特技人》，劇中佢飾演女明星秦臻﹐早前劇情講佢喺沙灘拍飲品廣告，奉旨晒身材！

影壇新貴余香凝（Jennifer）跟男友陳家樂拍拖兩年，兩人好似糖黐豆，陳家樂仲話視女友為結婚對象，二人已經見過家長㖭！近日Jennifer去文華東方酒店做yoga、游水、再做spa，咁歎，不過唔係同男友而係好友廖子妤！

鍾意海嘅余香凝重會同屋企人一齊去同陽光玩遊戲，之前就試過同媽咪一齊著住泳衣去吹海風。

朱晨麗近日去峇里島旅行叉電，佢仲喺社交平台晒泳衣照，罕有地派福利！朱朱留言：「用微笑面對每一天！來，深呼吸放鬆一下吧」相中微微地側身，單手撥髮甫士，晒胸和纖腰…

無獨有偶蔚兩芯都喺同一地點、同一酒店、做同一甫士影相，唔通佢想挑戰朱晨麗？

蔚雨芯心情大好，穿上性感泳衣擺出多個誘人pose，有的還是要大露背，露出白滑美背，真的引死人啦！

其實蔚雨芯不是自己一個人去旅遊的，還有朱晨麗同行，她上傳了一張二人的合照，還打了很大段感性文字，原來二人是好朋友，而且已經認識了七年！人生得一知己是很難得的事，特別是在娛樂圈裡面，難怪蔚雨芯最後說「我們都要數著星星一起老去」