完成《造星III》評審使命!許廷鏗獲網民激讚:照單全收
歌手許廷鏗(Alfred)為《全民造星III》擔任評審,表現獲網民一致大讚,話佢嘅評價高質唔係廢,一針見血,見唔同參賽者都畀唔同建議,仲搞喊人,就算做評審都睇到咬牙切齒同企起身拍手掌,真正全程投入,笑言身為牙醫嘅佢果然「講嘢好有牙力」!
已完成使命嘅Alfred,喺社交網上載獨照,發長文話「更認可自己在做的」,冇諗過一、兩句說話會變成咁有效嘅強心針:「消化了這幾天的感受,無論網絡上在街上,大家都毫不吝嗇叫我加油,說更喜歡我了,從不同途徑接收到好多力量,這些主動的嘉許照單全收了,看似我也更喜歡我在做的歌唱事業!」佢最後又鼓勵參賽者繼續好好享受同好好感受,會繼續支持大家!Alfred嘅誠意同真心感動唔少人,好多網民都話要推到總決賽有佢做評判呀!