完騷謝晒!林二汶挑戰10連唱

東方日報
·1 分鐘文章
林二汶模仿多位前輩歌手獻唱,全場拍爛手掌。
林二汶模仿多位前輩歌手獻唱,全場拍爛手掌。

歌手林二汶第二場紅館演唱會《The Beginning of Faith Live》前晚圓滿結束,騷後受訪時,她抵死大呻好攰:「真係唔明其他歌手點連開十幾場,衷心佩服佢哋!希望有生之年可以連開10場。」又大讚嘉賓「折骨Ben」趙祥誠雖首度在紅館演出,但完全不怯場。

談及兩晚的談話環節都避談故友盧凱彤,是否怕淚奔?她說:「頭場係我親自邀請佢父母嚟睇,嗰日係佢生忌,覺得用歌去講最好。演唱會入面都唱咗好多首佢嘅作品,冇乜嘢好得過將佢嘅歌擺上舞台。」又指每當獨自一人企上舞台,都會很想念對方,惟當聽到前奏響起,對方就恍如在身邊,又自爆綵排時曾爆喊:「人愈大愈難忍,喊嘅次數多好多,好多人都經歷過生離死別,希望大家睇完個騷可以帶走希望。」