家族榮耀丨郭政鴻大爆陳曼娜拍攝笑料 首演敦厚角色與現實同樣愛妻

TVB劇集《家族榮耀》係近來熱門話題，郭政鴻於劇中飾演馬家長子馬耀宗，劇內對太太葉彩薇（熊黛琳飾）極度包容，不惜放低公司一切與熊黛琳過新加坡養病，而原來呢次係郭政鴻首度演敦厚老實角色，而郭政鴻亦坦言馬耀宗呢個角色與佢現實中嘅自己有啲相似，演起來無太大壓力。

57歲郭政鴻以龍虎武師出身，由配角捱起，不時擔任反派角色。2015年郭政鴻離開TVB轉戰內地拍劇及登台，事後佢解釋指係因為想要迎接新挑戰，同時表示自己對上有父母、自己又有家庭，所以最重要係搵錢；而郭政鴻喺內地亦發展順利，有指佢吸金力大增，近年斥資1,180萬元購入黃大仙鑽嶺高層連天台特色單位，成功畀更好嘅生活家人。

對於演戲夢想，郭政鴻表示要配合天時、地利、人和，但仍會朝着男一進發，至於呢次拍攝《家族榮耀》亦令佢印象難忘。除咗喺早前熊黛琳因喪父而變得瘋癲劇情中，爆Seed鬧爆對方一幕被網民大讚之外，郭政鴻更大爆早前熊黛林被楊茜堯揭發佢醜事一集，係自己從影而來最深刻嘅一幕，佢提到拍攝期間Manna姐（陳曼娜飾）大聲怒罵熊黛林，但因一時口快將「葉彩薇」叫成「葉子楣」，現場嘅演員當時情緒高漲又喊晒，所以郭政鴻只能忍笑，郭政鴻指自己拍攝嗰陣臉部肌肉唔知點反應，心情猶如過山車一樣，由悲傷變成爆笑。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！