現年50歲的昔日性感女神李麗珍，昨日驚爆與56歲的男友潘源良再度分手！二人多年來幾番離離合合，由2007年復合至今已拍拖九年，可惜最終都未能開花結果。

事緣李麗珍好友張文慈於微博貼上跟珍妹合照，留言：「傻豬~忘記他吧！鞋若不合穿，勉強著也是痛！」似叫珍妹忘記過去，之後齊齊到台灣旅行，順道為珍妹治情傷！

反而潘源良似乎毫不知情，慘「被分手」，對此佢大感愕然說：「邊度講㗎，張文慈講？咩人嚟？總之我了解吓佢講咩先，依家完全唔了解情況好難答你。佢(珍妹)好似呢兩日去台灣，好似話張文慈話幫佢睇醫生醫腳。我了解下先，佢又唔喺香港，我又唔知咩事。」

續下頁…

延伸閱讀：

被李麗珍飛 慘被分手 潘源良：唔知咩事

綠豆變綠帽《瑪嘉烈與大衛》網民激讚

下頁續

有人指出珍妹與潘源良今次分手的主因，係因為珍妹與前夫許愿所生的女兒許倚榕，未能接受潘當其繼父；另外亦有指潘源良桃花極旺，身邊女伴換不停，惹來珍妹不滿云云。

不過據潘源良身邊好友透露，佢哋圍內一班朋友向來唔太接受珍妹，認為佢「個底好花」，所以潘源良都甚少帶珍妹見朋友。縱然朋友唔接受，但潘源良多年都係痴心情長，將珍妹照顧得無微不至，更視倚榕如己出。

潘源良錫珍妹唔係得把口，據知佢每月花鉅款租貝沙灣豪宅俾珍妹住，仲每個月俾十萬元家用！相反佢自己生活就較簡樸，只係住在油麻地舊樓。不過潘源良之前在電視台講波加上歌曲版稅，令佢一直有收入，身家至少三千萬。所以佢唔介意包辦晒珍妹母女所有支出，包括倚榕的學費，睇嚟潘源良真係視佢哋兩人如瑰寶！

續下頁…

下頁續

好似本刊年前曾影到珍妹同倚榕去琴行買結他，揀好之後仲特地call潘源良去埋單，潘源良一樣冇say no。而珍妹前夫許愿接受訪問時亦表示，女兒絕對接受潘源良，覺得倚榕在新聞中係被扯落水，並認為女兒只得18歲，唔希望呢啲傳聞影響到佢。

潘源良對珍妹百般呵護，又同倚榕相處融洽，不過有指珍妹性格任性，而且兩人性格喜好南轅北轍，所以最終都係分手收場！

全文完