一家5口慶佳節 鍾嘉欣脹卜卜晒B女

兩大女神級媽媽鍾嘉欣和倪晨曦，趁聖誕佳節分享全家福，當中誕女不夠3個月的嘉欣，精神奕奕展示「幸福肥」！至於廚神黎諾懿昨日出席活動，5歲兒子「小春雞」多次要求上台，又狠評父親的廚藝只有0分，非常搞笑！

今年10月在加拿大誕下幼女的鍾嘉欣，昨日在社交網開心Share一家5口全家福，向網民及Fans送上祝福。她偕丈夫Jeremy及3名子女在聖誕樹旁留影，B女穿上充滿節日氣氛的紅色衫仔，長女Kelly標致可人，兒子Jared則貼着媽咪手臂，非常黐身，產後2個多月的嘉欣還未完全收身，面珠脹卜卜展現「幸福肥」。另一女神級媽媽、上月誕下幼子的倪晨曦，同樣在社交網「放閃」，一家4口穿上紅色格仔睡衣「家庭裝」，在床上Chill爆擺甫士。

唔介意做星爸

至於幸福爸爸黎諾懿昨日出席美食節活動，太太帶同大仔「小春雞」捧場，他大爆「小春雞」不停追問為何不讓他上台：「我話你冇收錢，佢仲再三吩咐我，記得同大家講佢都在場，佢想捧自己做明星。（做星爸？）佢搵到錢，我冇問題，行行出狀元，佢比較鍾意出風頭，唔怕醜。（唔收錢都要上台？）佢對錢冇概念，只想上台表演。」

他笑指兒子在學校及屋企兩個樣：「佢好識睇眉頭眼額，見唔同人講唔同嘢，正宗蠱惑仔！我唔知佢將來會唔會有地位，但一定唔會餓死。」其後「小春雞」加入訪問，自言拿手煮雞及薄餅，更自誇廚藝比爸爸好，問到自評多少分，他搞笑說：「1,000萬分，爸爸1分，媽媽1,000分。」未幾卻把爸爸的分數下調至0分！另外，黎諾懿上載一家4口靚相，「小春雞」肉緊地錫到細佬面珠都扁埋，非常可愛！