專呃遊客 越南餐廳被罰款

大家去東南亞旅遊時都應該有一種心態，就係時刻提防「呃遊客」黨，通常發生情況就係搭的士時、去餐廳食飯時，而萬一真係遇上，好多時大家為咗多一事不如少一事，而且又唔想擾亂自己旅遊行程，於是只有死死地氣接受，唔會去投訴。不過原來話你，投訴係真係有用架！早前越南就有一單新聞鬧得熱哄哄；一位女遊客連同27位朋友經的士司機推介下前往一間餐廳食午飯，最後點咗3大盤肉及3 大盤魚，最後埋單折實竟然要610萬越南盾，即係成2,000港幣，對於越南消費水平嚟講，簡直係天價！最後女遊客唔忿氣，走去投訴，越南旅遊局又真係揸正嚟做，結果向該餐廳罰款約1,500萬越南盾，而且仲要還番多收嘅費用畀呢位女士。事件令越南一眾餐廳都非常擔心，估唔到會有處罰。所以呢個故事話畀大家知，其實外遊遇上不平事，唔好怕麻煩，唔好諗住無用，爭取合理權益好重要。（當然，唔係叫你做野蠻客人啦！）

埋單一睇，條數嚇死人喎！

所謂嘅肉，唔單止細盤，賣相仲好鬼差！

睇埋啲魚，好難相信唔係呃人囉！

相關文章：

同男友去旅行增加情趣 性感泳衣、鴛鴦浴幫到你

76歲日本伯伯以帆船環繞地球一周 全程不靠岸

鏡頭縛鷹身 鷹眼看世界

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！