專訪｜方力申批泳總偏袒大泳會 倡改革設降班機制：無理由山頭主義、圍威喂｜Yahoo

【Yahoo 新聞報道】前港隊泳手方力申與香港游泳總會的爭議連日升溫，方接受《Yahoo 新聞》專訪時批評，現有泳總制度「打壓咗我哋啲細會，都唔能夠同上面啲人去爭」。他強調，泳總偏袒大泳會的舊式制度是時候改變，應考慮設升班、降班機制，「大嘅屬會亦都會有壓力，去鞭策自己唔好降班」。他希望制度以運動員利益為先，「無理由係山頭主義、或者廣東話俗稱嘅『圍威喂』？唔係啩？」

相關報道：
專訪｜方力申指天才小泳手鬥志高昂 九歲達十歲錦標賽標準：游一次快一次｜Yahoo

9 歲泳手因屬會分級制度無法參賽

方力申與泳總的爭議，源於方的泳會一名 9 歲小泳手，因屬會分級制度所限而無法參加錦標賽。身兼立法會議員的港協暨奧委會副會長霍啟剛與港協義務秘書長楊祖賜日前出面拆彈，與泳總會長王敏超會面。據稱王初步同意設立渠道，讓運動員以個人身份參賽。

不過方力申稱，僅靠新聞報道得知此消息，「細節究竟係點呢？而家都係太過初步」，但他與小泳手的家長均認為泳總的回應正面，「起碼係行前咗一步」。協助方力申的立法會議員何敬康也稱，曾與王敏超溝通，由於方即將外出不在港，現正安排希望下周三舉行三方會議，就改善現時屬會制度、資源分配問題、並就個人身份參賽渠道等議題進一步討論及解說。

倡設升班降班機制

「我睇到佢哋嘅態度，感覺上唔想改變制度嘅時候，就更加應該係時候去改變制度」。方認為需要改變的包括泳總「屬會三級制」，希望加設屬會可升可降的機制，「呢個三級制點樣可以優化啲，令細嘅屬會有目標（升班），大嘅屬會亦都會有壓力，去鞭策自己唔好降班」。

屬會升級障礙重重 「要有人退會先可以申請」

現時泳總屬會分為三級：競賽屬會、觀察屬會及正式屬會。方力申的泳會屬於競賽屬會，其泳手不能參加錦標賽，也無投票權亦無資格租用康文署訓練池泳線。根據泳總網頁資料，競賽屬會需靠其泳手參與 100 個分齡比賽項目以累積分數，並有觀察屬會退出泳總的情況下，競賽屬會方能申請升級為「觀察屬會」，申請需經評估並在泳總周年大會上作出決定；升級至觀察屬會後，其泳手方能參加錦標賽；若觀察屬會要升級成為擁有投票權的正式屬會，也需有正式屬會退出泳總，才可遞交申請。

方力申直言由競賽屬會晉升至正式屬會路途漫長，「要有人退會先可以申請」，他亦未收過屬會退會通知，假若有泳會退出泳總，「可能一年先公佈一次，當你見到再去申請嘅時候，再等多一年，我估係咁樣」。相關資訊亦難以流通，「究竟（退會）會唔會公佈、到底 update（更新）得幾快呢，其實都係成疑問」。以他在泳壇多年的觀察，泳會大多以公司形式成立，退出泳總通常源於「（公司）賣畀其他人、佢壇生意唔搞喇」，非常罕見。

「做得耐就算唔夠分都可以留低，仲係咁舊式」

他批評舊有制度偏坦「正式屬會」，「歷史悠久，做得耐就算唔夠分都可以留低，仲係咁舊式嘅做法⋯⋯睇返有啲泳會係無分（指部份正式屬會無參加比賽累積分數）㗎喎，點解泳總要畀佢哋留喺度？」

根據泳總分級制度，競賽屬會現時無權租用康文署泳線。方力申解釋，康文署泳線僅需百多元便可租用，但他的泳會需向學校借用泳線，「平均計係六百至八百蚊一條線一個鐘」，更有規模較小的泳會因資源問題，需在公眾游泳池訓練泳手，同池有其他游泳的泳客，教學環境並不理想。

方力申冀泳總「提攜吓有心有力嘅屬會」，「既然我哋有成績出嚟，點解唔將啲支援分一啲畀我哋呢？」他強調制度不應偏袒任何屬會，「總會無理由係山頭主義、或者廣東話俗稱嘅『圍威喂』？唔係啩？如果（泳總）要做好企業管治，如果入面嘅執委全部都係二、三十年都不變嘅時候……到咗今日就係有意見，係咪需要作出一啲改變呢？」