專訪｜方力申指天才小泳手鬥志高昂 九歲達十歲錦標賽標準：游一次快一次｜Yahoo

【Yahoo 新聞報道】前港隊泳手、藝人方力申近日炮轟香港游泳總會制度不公，致成績達標的小泳手無法出戰錦標賽。方力申接受《Yahoo 新聞》專訪時指，小泳手去年已在分齡比賽奪金，現時他年僅九歲已達十歲年齡組別錦標賽的標準。他不希望小泳手的潛能和努力，被不公的制度埋沒，「我培育運動員，都係想啲運動員代表香港出去比賽」。

相關報道：
專訪｜方力申批泳總偏袒大泳會 倡改革設降班機制：無理由山頭主義、圍威喂｜Yahoo

4 歲習泳 疫情期間在家練體能

小泳手 4 歲開始到方力申的泳會學游泳，最初尚未學懂四式游泳，但他很快愛上游泳，自動自覺「練水」。疫情期間，他更會在家以視像方式練習體能，相當有鬥志，「叫佢搏命啲，佢就即刻低頭衝」。他指小泳手去年 8 歲時已在分齡比賽自由式中奪金，現時他僅 9 歲，已達 10 歲年齡組別錦標賽的標準。「小朋友真係游一次快一次，尤其是錦標賽有好多叻嘅選手，大家會有個正面嘅推動」，他亦懂得應付比賽的壓力，調整自身節奏並進步。

方續指，不少教練會在大賽中尋找明日之星。回想他 15 歲時獲得第一個香港紀錄，「真係青少年嘅時候就開始出成績，加上聽講依家港隊再細啲，甚至話 13歲就可以拔尖去港隊提早專注訓練」，故此錦標賽對小泳手而言相當重要，也是方力申竭盡全力為其爭取出賽的原因，「小朋友有啲成績，證明我哋嘅訓練都係做得好，總會會唔會睇到我哋有心有力去做，政策上諗下點樣照顧呢啲泳會？」方最初曾向泳總提出折衷建議，讓小泳手參賽可不用計入其泳會的分數，即其泳會不會因此得益，豈料依然被泳總拒絕。

南華會出身 難理解細泳會處境：遲咗咁多年先知

方續指，泳總分級制度不利泳會收生及培訓有潛質的小泳手，「小朋友每一年都係黃金年份，如果你每一年都唔能夠參加錦標賽，作為家長有無可能繼續留（小朋友）喺度繼續去訓練？一早走咗喇！」方認為此舉除不利小泳會有潛質的小泳手外，亦有機會埋沒一眾有潛質的教練，「好影響競賽屬會的發展」。

面對小泳手無法參賽，「網上有啲人話，無理由唔知」，方力申直言，直至他近年開設泳會、培訓到達標小泳手，才了解到細泳會的困境，「好多嘢我哋都唔容易知」。出身南華會的他坦言：「基於我以前游嘅屬會係大會，同埋佢有自己嘅泳池，所以我就唔需要去擔心我有咩地方去練水⋯⋯我都係遲咗咁多年先知（細泳會處境）」。經過今次事件，方力申強調「其實最終（泳總安排）都應該要以運動員利益行先，而唔係屬會利益行先」。