巴黎奧運丨跨欄女神吳艷妮濃妝出戰「死亡之組」奪第6 曾偷步惹網民批評為人？

27歲有「跨欄女神」之稱嘅國家隊跨欄運動員吳艷妮擁有亮麗外形，因而引起網民注意。昨日（7日），吳艷妮首戰奧運，化上全妝、以招牌孖辮及頭頂夾上兩個髮夾造型出戰女子100米欄初賽，起跑前更向攝影機做出心心手勢，相當可愛，成為比賽焦點之一。由於吳艷妮對戰嘅選手皆係跨欄高手，包括女子100米欄世界紀錄保持者阿穆辛（Tobi Amusan）及日本選手福部真子，因此賽前已被指分到「死亡之組」，並登上內地熱搜。最終吳艷妮以12.97秒成績排名小組第6名，進入今日（8日）舉行嘅復活賽。

吳艷妮一直以來言行大膽，因而備受關注並被封為「網紅運動員」。曾經於去年亞洲田徑錦標賽女子100米跨欄決賽偷步，吳艷妮指責受到旁邊印度選手影響，不過最終仍被判取消資格；事後佢被問到偷步事件，卻霸氣承認偷步，但比賽翌日已將偷步事情忘記，並針對網上批評反擊，又指唔在意其他人點睇自己，令唔少網民批評吳艷妮嘅為人。

另外，吳艷妮嘅證件照亦曾曝光，網民質疑照片過份P圖，甚至惹來整容疑雲，吳艷妮當時就大方承認做過割雙眼皮手術，但就否認整過下巴。網上亦流傳吳艷妮與年輕4歲嘅田徑運動員喬臻拍拖，有指男方為北京富二代。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！