巴黎奧運｜冒斷腳風險征奧 石偉雄回港先處理腳傷 母：全世界見到香港體操有人才｜Yahoo

【Yahoo 新聞報道】冒斷腳風險爭取奧運入場券的香港「體操王子」石偉雄今（10 日）早從巴黎返港，他表示很開心可以兌現東京奧運的承諾，第三次參與奧運。石透露比賽前共打了四針止痛針，現在行路時仍會感到不適，「如果我唔跑的話無太大影響。長遠嚟講，先不論我係咪繼續做運動員，都要處理好（腳傷）先。」

在奧運揭幕首日，石偉雄代表香港出戰男子跳馬，可惜在資格賽落敗。他及後在社交媒體憶述，荷蘭集訓期間數次即日來回香港打消炎止痛針，冒著斷腳風險爭取奧運入場券。

回港最想打邊爐

他表示，會先找醫生做詳細檢查，處理傷患後再決定之後的比賽及訓練計劃，對於會否參與下屆奧運未有答案。「暫時真係無計劃住，因為始終練了咁多年，都想趁呢段時間先好好休息，不論係身體又好，mentally都好，好似呢26年都無認真放過一個假，因為始終太多比賽，同埋集訓都一路接住落。」回港之後，他笑指最想做的是打邊爐，「因為在歐洲太耐無打了，同埋自己都鍾意，返到嚟想食番多啲嘢先。」

石偉雄父母均有到場接機，石太表示作為家長永遠支持兒子，形容石偉雄帶著傷患堅持很難得。「玩得任何體育的任何一個項目都有呢個情況，但佢堅持到今時今日，喺大舞台上全世界人都睇到香港體操有呢啲人才，我好高興。」

石太表示：「從傳媒上知道（集訓期間回港打針），因為佢無返嚟見我哋。我哋都好心痛，煲唔到湯水畀佢飲，因為佢呢啲最緊要就係飲多啲筋絡嘅湯。」石太續指，兒子時常表示想飲湯，自己會到當地的超市看看有什麼湯料，石太笑道：「煲湯好叻㗎佢。」今天並為兒子煲了竹絲雞湯。

「黃杜配」締港乒混雙最佳名次 杜凱琹：遺憾化動力

同一班機返港的還有乒乓球代表團，首度殺入混雙四強的黃鎮廷、杜凱琹表示過去三年為參與奧運搏盡，杜形容始終有點遺憾，「11年的配合，大家都付出了很多、磨合很多。其實可以去到奧運、入到前四，已經是世界最頂尖的水平，我們都很為自己自豪。我們都相信留一些遺憾會給我們更加大的動力去繼續進步。」

杜凱琹指，回到香港後最想見家人、回家吃飯，因為出戰奧運前與身邊的人都很少聯絡。黃鎮廷同樣表示最想見家人、想食香港的食物，未來仍然陸陸續續會有比賽。黃鎮廷的家人日前到巴黎現場支持他，今天並到場接機。黃鎮廷抱著不足兩歲的女兒說：「我諗我會畀佢玩運動，睇佢對乒乓波有冇興趣。佢（現在）太細，會畀佢睇我打比賽，睇吓有冇呢方面嘅天份。」