張振朗與楊偲泳拍拖三年 疑甜蜜同居試婚？

無綫小生張振朗近年備受力捧，今年憑《拳王》「海正藍」一角角逐視帝，不過視帝寶座最終由譚俊彥奪得。正值上位階段嘅佢，前年撻着有「巨咪陳妍希」之稱嘅楊偲泳（Renci），一直感情穩定，今日有報道指佢哋最近被發現喺男方深井寓所同居試婚。

雖然失落視帝寶座，不過張振朗就話好戥譚俊彥高興，仲話覺得自己演技未夠好。現年33歲嘅張振朗備受無綫力捧，近年戲份越來越重，例如《踩過界》系列、《反黑路人甲》、《堅離地愛堅離地》及《拳王》等等，事業發展相當不俗。張振朗除咗事業方面，喺愛情方面同樣得意，前年被爆出與楊偲泳同遊日本，之後佢仲罕有認愛，不過早前有指無綫稍有微言，所以要求張振朗要盡量保持低調，兩人更轉為低調嘅地下情，保護呢段戀情。

張振朗一向重視家庭，亦非常愛錫兩位姪仔。有報道指張振朗近日趁住未有工開，於是同女友一齊到元朗接細姪仔放學，期間Renci非常細心咁拖實小朋友，上車落車都照顧得好周到，而張振朗就用手機全程攝錄，睇落非常溫馨，猶如一家三口。早前曾有指二人已經見晒家長，女方一早融入張家，而張振朗亦不時大讚女友人品好及對佢屋企人好，睇嚟佢地真係打風都打唔甩㗎啦！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！