徐錦江同《水行俠》男主角撞樣 內地網民：徐錦江演得太牛逼了

DC超級英雄電影《水行俠》（Aquaman）下星期四將會喺香港上映，由積遜莫瑪（Jason Momoa）扮演主角水行俠，加上搵咗新一代恐怖大師溫子仁擔任導演，電影未上映已經令到唔少人期待。香港雖然未有得睇住，但內地已經搶先美國及香港上映，短短5日已經勁收8億人民幣，真係犀利呀！

係人都知徐錦江與雷神（Thor）似樣，原來佢仲同《水行俠》男主角撞樣。電影喺內地上映至今，網上已經出現唔少惡搞圖片，更令徐錦江似水行俠登上熱門搜尋榜，連徐錦江本人都忍不住share埋一份。

電影上映，戲中男女主角Jason Momoa和Amber Heard梗係飛到內地為電影宣傳啦！期間有媒體問Jason同徐錦江撞樣一事，Jason睇完相之後都忍唔住笑話呢個就係我老咗個樣，佢真係有啲似我。

唔少內地網民亦發揮幽默本色，紛紛留言笑指徐錦江做得好好：「看完海王，太炸裂了。徐錦江演得太牛逼了！」、「海王真是良心劇and徐錦江真是太帥辣」、「徐錦江真不愧是老戲骨，海王演得挺不錯的，…」、「昨天刷了《海王》，雖然超級英雄電影難免劇情俗套，但是特效強無敵，徐錦江身材和女主角顏值爆炸，推薦推薦推薦推薦」及「徐錦江主演的海王真好看」等等。