德斌獲粉絲示愛 黃芷晴也着迷

·1 分鐘文章
黃德斌大叔形象受落,深受市民歡迎。
黃德斌大叔形象受落,深受市民歡迎。

憑劇集《大叔的愛》而人氣急升的藝人黃德斌,昨日聯同黃日華女兒黃芷晴出席apm活動,德斌以劇中的「大叔」造型上陣,在現場大受歡迎,市民都以角色名字「KK」稱呼他,又讚他靚仔。德斌笑言不少人見到他都會掩嘴而笑,甚至有熱情粉絲向他表白:「佢哋同我講KK I Love You,男女都有,模仿我喺劇中震住示愛一幕。有個5年級細路女喺我面前跳晒完整嘅『大叔舞』。(係咪受劇集帶挈多咗工作﹖)少少啦!每個角色都多人鍾意,導演同監製喺選角方面做得好。」問到是否將開拍電影版?他稱當中涉及版權問題,現時仍未收到通知。

用消費券扮靚

至於芷晴原來都是《大叔的愛》迷,坦言正在重看,見到德斌十分開心及要跟他集郵。問到會否有興趣參與電影版?她說:「我做觀眾好啲,佢哋原班人馬演原汁原味,我跪求開電影版。」講到電子消費券,她稱會花費在吃、護膚品及電腦上。

黃芷晴是劇集Fans,不過就沒興趣參演。
黃芷晴是劇集Fans,不過就沒興趣參演。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能