愛上我的衰神︳題材新鮮有驚喜 陳嘉慧首次擔正做女一 網民:唔通下下唐詩詠咩

·3 分鐘文章
《愛上我的衰神》劇照
《愛上我的衰神》劇照

無綫奇幻愛情新劇《愛上我的衰神》全劇只有10集,選角新鮮,搵嚟胡鴻鈞、陳嘉慧(Erica)、羅蘭、馬貫東及麥美恩主演,主要講述潘小渝(陳嘉慧飾)擔任「衰神」,與陳北河(胡鴻鈞飾)因一系列意外而相戀嘅故事。劇集喺噚晚(27日)首播,想知網民們睇完有咩感受,快啲轆落去睇下啦!

題材新鮮有驚喜
無綫向來拍小品劇都有一手,今次《愛上我的衰神》題材相當新鮮,噚晚就講到潘小渝死後進入第二維度,並成為「命運管理局」嘅新手「命運管理員」,而佢負責管理嘅對象就係第一維度嘅陳北河,第一日返工就要為陳北河帶來衰運。唔少網民都紛紛留言讚題材有創意,例如「都幾好睇呀。小品劇集。」、「好唔好睇未知,題材幾有創意」、「好少覺cctvb d 劇唔垃圾」、「​​終於有套有啲創意既劇」、「tvb啲小品不嬲都有驚喜 好過啲咩把關者門,拳王,飛虎12345」、「題材幾新,唔錯」及「幾好睇,起碼有新意」等等。

《愛上我的衰神》截圖
《愛上我的衰神》截圖

好似《與神同行》有使者
噚晚首集開段,鄧伊婷飾演嘅使者就登場,讀出日子和車禍中嘅亡者名字,並帶佢哋前往不同嘅維度,有網民睇完就認為同《與神同行》好相似,留言話「與神同行??」、「咁似與神同行」及「與神同行d fd」等等。

《愛上我的衰神》截圖
《愛上我的衰神》截圖

女主角有新鮮感
今次係25歲陳嘉慧首次擔正做女主角,佢喺劇中飾演「人生管理員」(亦所謂「衰神」)潘小渝,唔少網民睇完佢嘅演出後,大讚佢靚女、好有新鮮感及演戲不俗,例如「幾好戲 又靚」、「其實erica幾正, 起碼有啲新鮮感先」、「總好過套套都嗰幾個」、「陳嘉慧幾靚喎」、「女主角ok呀 唔通下下唐詩詠咩」、「陳嘉慧幾吸引,清純唔俗氣,好有新鮮感」、「條女唔錯 幾吸睛」、「陳嘉慧幾靚,睇得舒服」及「又pure又true」等等。

《愛上我的衰神》截圖
《愛上我的衰神》截圖

又係胡鴻鈞
今次係胡鴻鈞第二次擔正做男主角,仲要係兩套劇集(《十月初五的月光》及《愛上我的衰神》)連住出街,情況非常罕見。雖然胡鴻鈞明顯備受力捧,不過網民似乎唔多受落,留言話「又有胡鴻釣」、「又胡 死開啦」、「有新血係好嘅。。不過硬捧刀削面就no good 囉。 演技永遠得一個表情, 樣唔駛講啦, 唱歌又一般。」及「Hubert就算了」等等。

《愛上我的衰神》截圖
《愛上我的衰神》截圖
《愛上我的衰神》截圖
《愛上我的衰神》截圖
《愛上我的衰神》截圖
《愛上我的衰神》截圖
《愛上我的衰神》劇照
《愛上我的衰神》劇照
《愛上我的衰神》劇照
《愛上我的衰神》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能