《愛·回家》大小姐熊家三姊妹化身空姐 邊位女星空姐造型最吸睛?

·1 分鐘文章

無綫處境劇《愛·回家之開心速遞》深得觀眾喜愛,除咗一班演員演得出色之外,情節亦夠晒抵死啜核。早兩晚嗰集劇情講到「大小姐」龍力蓮(林淑敏飾)及熊尚善(滕麗名飾)都被空姐喺網上爆出喺機上嘅惡頂行為,而佢哋亦登上「機上最惡頂名人榜」。佢哋接受完家人特訓後,再搭飛機希望可以洗脫污名。喺呢程機上,佢哋遇上發酒癲嘅言少(林子超飾),言少於機上不斷搗亂,更打暈機組人員。為咗令言少聽話,大小姐同熊尚善不惜穿上空姐制服去服侍佢。今集除咗佢哋兩個化身空姐之外,唔少演員都變身成空姐、空少及機師,當中包括熊若水(呂慧儀飾)、熊心如(蘇韻姿飾)及無知May(趙希洛飾)。一班女演員嘅空姐造型成功吸引網民注意,仲話勾起咗對《衝上雲霄》嘅回憶。其實除咗佢哋之外,以往都有唔少女藝人扮演過空姐,唔知大家又覺得以下邊位女星著空姐制服係最吸睛呢?

《愛·回家》大小姐熊家三姊妹化身空姐 邊位女星空姐造型最吸睛?
《愛·回家》大小姐熊家三姊妹化身空姐 邊位女星空姐造型最吸睛?

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!