戴300萬鑽飾閃耀馬場 宣萱宿命難違 「質」在尋開心
「御用人質」宣萱昨日貴氣打扮現身馬場活動,自爆於新片要被打之餘,亦難逃被挾持的命運,雖然數不清演過多少次,但笑言該些把戲已成為她生命的一部分,也拍得很開心。
宣萱、雨僑、楊洛婷、顏子菲、陳爽、陳倩揚及古佩玲等昨日盛裝出席沙田馬場舉行的「六福珠寶賽馬日」活動,宣萱以主禮嘉賓身份亮相,配以300萬鑽飾相當搶眼。她透露剛完成電影《一線生機》拍攝,片中除了「照例」被人挾持外,還要被陳靜打,認真慘情。
練歌向陶大宇挑戰
經常於戲中成為人質,被問到是否享受過程?宣萱笑說:「呢樣嘢已經成為我生命一部分,雖然過程辛苦,要Keep住狀態幾日,但對自己嚟講係挑戰,所以都拍得開心。」對於有指舊拍檔羅嘉良早前於內地商演時為闊太伴舞,宣萱坦言未遇過這種情況:「啲粉絲係熱情,但最多都係影相。(有冇陶大宇咁受歡迎?)咁我要再練吓先,我有睇啲片段,見佢好開心同享受,其實我哋都係想觀眾開心,如果佢哋要聽高質素歌聲就去搵歌星啦,主要係搞氣氛啫!」
雨僑嫌老公幫倒忙
「星級媽媽」雨僑與楊洛婷甫見面即交流湊BB經,還齊齊投訴另一半,雨僑指老公羅力威很落力參與女兒的大小事,惟餵飯仔及換尿片卻有心無力:「個女轉咗着『拉拉褲』好耐,有日佢突然幫手換片,見到條褲問係乜嚟,前後都唔識分。(會唔會令你諗清楚先再生第2胎?)其實都有諗,因為兩個小朋友會開心啲。」瘦身成功的楊洛婷表示工人姐姐放假回鄉,近兩個月來她要處理家務、湊B,再配合做機及紮肚,結果辛苦換來體態美。問到老公可有幫忙?她笑說:「佢見我咁瘦都有幫吓,不過佢又真係好忙,成日都唔喺度。」