雅虎香港新聞 《打工唔捱世界》：黃翠如炮製世界第一臭魚
看數字北歐工人好幸福每周只係工作30小時月薪都已經有成幾萬蚊，結果黃翠如上集已經要係瑞典樹屋倒夜香、執頭執尾，夠唒累！不過以為咁就叫辛苦時，只能話：「翠如，你太年輕了！」第2集被安排到生產「 史上最臭食物 」Surstromming的臭魚罐頭工廠開工。Good Luck！
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
Surstromming鹽醃鯡魚是瑞典的傳統食品，春天時侯工廠只有6、7個工人，但到夏天時因為要將鯡魚入罐，所以要15、16人開工，而每年八月就會推出市面發售。
翠如今集去到年產20萬罐「臭魚」的ab gosta hannells fisksalteri做工廠妹，由選魚、倒鹽、試味到將魚發酵，明明全部都係手板眼見工夫，但因為實在太血腥和嘔心，隔著電視機都感受到個種臭味。
紅黃罐包裝的Roda Ulven臭魚，十足香港的豆豉鯪魚，但可以被公認「世界第一臭」都不無道理。因為日本NHK曾以Alabaster儀器測量世界多款獨具臭味的食物後，結果Surstromming鹽醃鯡魚以8070 Au臭味值揮低其他臭物，比臭豆腐的420 Au高成20倍。
為打好份工，翠如BB 要在浸滿死魚的血鹽水試味，又試過生食尚有一個月先完成的臭魚，最重頭戲係要看著波羅的海的美景下，一試臭到有如渠水的製成品，睇見都打哂冷震。要知道即使在戶外開罐，臭味都可以傳到方圓600米外，簡直就是生化武器！
如此惡臭之物曾經更有人因為在室內食用而引起法律訴訟，仲有航空公司表明為避免罐頭在運輸時受損而令汁液流出，所以英國航空、法國航空等列明禁止攜帶鹽醃鯡魚罐頭上機。
一罐臭魚幾錢？
香港曾經有超市賣過，售價約HK$300/罐。即使在瑞典當地售價都約HK$200/罐，絕對是貴價罐頭。下月將會是開賣期，想試的話經過超市就要留意啦！
開罐減臭Tips:
在戶外開罐時可以將罐頭放在水中再打開，不過一定要記得帶手套做。
點食法：
在瑞典無人會就咁開罐即食而係將鯡魚放在Tunnbröd 瑞典簿餅上(香港可以買到Kavli 薄脆代替)，再加上牛油、酸奶油、洋蔥、薯仔，再夾上一塊簿餅食。
