抗癌2年5歲童不敵病魔 昨日父母懷中離世

患有罕見「神經母細胞瘤」嘅5歲男童Sheldon琴日不敵魔病離世,其母親喺Facebook專頁表示,Sheldon離開得好突然,但臨走時無痛苦,好安詳。佢又指,丈夫同埋自己都好冷靜,確信Sheldon已化作小天使喺天父身邊,將來一家人喺天上團聚。 Sheldon於2019年確診,當時發現已經係第四期,至今接受咗18次化療,兩次切除手術,31次電療,又曾到西班牙求醫,但一直未能控制病情,至今年中秋節,Sheldon病情突然轉差,病至高劑量嗎啡都無法止痛,最後要注射會導致長期昏睡嘅鎮靜劑,先成功止痛,後來Sheldon雖然清靜,但下半身已經失去知覺。 其母親亦有出書記錄Sheldon嘅抗癌過程,希望可以生命影響生命。