【拒載梁美芬】的士司機 從此多事

 

尋日其中一單大新聞,係梁美芬被的士大佬拒載,事件持續發酵,原來已經令到業界意見大分歧。

有人直言唔車「捉老鼠議員」係有骨氣,史無前例地表揚拒載司機;但亦有司機反對拒載行為,認為的士佬「蝦一個女人仔」,唔應該覺得光彩,男人應該要有風度;亦有冷靜司機分析,其中有架車唔喺龍頭位,唔應該接載。

小編留意到兩件事,分享給大家。

第一,有司機自爆拒載可以大條道理,以梁美芬上車為例,司機突然想嘔,身體唔舒服,唔適合揸車,又或者突然想去廁所等等,都可以拒載。再一次證實,的士司機想唔過海,真係無難度,而且不問權貴,立法會議員都係咁話。

第二,的士司機分晒陣營,的士總會抗議「太多暴動」,但有的士佬卻話最鍾意車黑衣人,唔車建制派,有的士大佬卻覺得暴民影響司機收入,想搵人索償。的士司機就近日本港政治事件,明顯已分成兩大陣營。

的士業界持續撕裂,如果你想入行揸的士,真係要諗諗,一定難做。

===================

19網輕鬆爆料熱線,歡迎舉報老細同事19惡行,立即click入去講畀我哋知啦