改名換姓 自己都唔知!陶大宇商場快閃 撩觀眾倒轉地球

·3 分鐘文章
陶大宇工作接不停,趁新年抖抖。
陶大宇工作接不停,趁新年抖抖。

藝人陶大宇憑翻唱歌由內地Hit到返香港,昨日驚喜現身商場快閃探店,期間拍宣傳片清唱《倒轉地球》,雖然只哼出幾句,但已令在場市民陷入瘋狂!

陶大宇近期翻唱《倒轉地球》人氣爆燈,剛從內地返港的他原定昨日出席觀塘apm商場新春活動,無奈近日疫情大爆發,故大會決定延期舉行活動。不過,大宇昨日驚喜現身商場,進行快閃探店行動及拍攝宣傳片,所到之處均吸引市民圍觀及拍照,期間有粉絲大叫「張大勇」(劇集《刑事偵緝檔案》角色名字),更有人索性叫他「倒轉地球」,並以其招牌「水撥手」吸引注意!大宇在商場大堂拍攝時,清唱了幾句《倒》,唱到副歌更使出招牌「水撥手」,現場市民即時起哄及歡呼,最後演繹其獨特台風「噓」時,市民亦跟住一起「噓」,場面熱鬧。完成拍攝後,大宇向市民揮手,並雙手合十表達謝意。

集力量「噓」走疫情

離港近半年的大宇,不諱言對現場市民的熱情舉動大感意外,但認為可以帶來歡樂,亦是榮幸:「見到佢哋好開心,尤其係『噓』走嗰下,可能大家想噓走衰氣同疫情,我都希望集齊力量。呢排出街見到啲市民打招呼,發現自己最近改咗姓,姓『倒轉』,名叫『地球』,好有趣!原來唔只我娛樂大家,朋友都娛樂緊我,雙贏!」又笑言近日與朋友聚會時,少不免要即席演繹名曲:「走唔甩,希望盡量滿足佢哋。」

他預告將留港一段長時間,除了陪家人及約朋友敍舊,亦想休息一下:「真係好攰,趁過年停一停。(內地工作接唔停?)係計劃緊啲嘢,我會喺社交平台好勤力拍片,但會慢慢做。(首歌係你兩年前唱?)其實唱咗好耐,多謝社交平台,本來『90後』唔識我,依家識之餘仲摷番我以前嘅嘢。(呢幾個月唱咗首歌幾百次?)我梗係希望唱幾百次,真心多謝呢首歌嘅作曲、填詞同主唱者。當然首歌令我工作量多咗,好多人問我會唔會加價,但我覺得工作量多已經當加咗價,都知老闆們喺疫情下壓力大,所以好想大家共度。」

另外,前無綫高層余詠珊早前成立製作公司,與香港開電視有連串合作,已落實拍攝賀年節目《名廚虎年賀新春》,邀得陶大宇擔任嘉賓,為節目打響頭炮。

大宇使出招牌「水撥手」,圍觀者跟住起哄。
大宇使出招牌「水撥手」,圍觀者跟住起哄。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能