政府擬派2萬元「迎生錢」谷生育 網民戥張致恒結紮過早唔抵：失去了一切

近年香港出生率屢創新低，日前有消息指喺新一份嘅施政報告中，政府有意向每名新生嬰兒派發2萬元，只要父母其中一方係香港永久居民就可以獲現金資助，涉資約6.5億元，鼓勵港人積極生仔。消息傳出後，網上掀起熱烈討論，當中唔少網民即刻諗起張致恒（Steven）同雯雯（區燕雯）兩公婆，仲戥佢哋唔抵。

張致恒（Steven）同雯雯（區燕雯）喺2019年奉子成婚，婚後佢哋生完一個又一個，早前更迎來第四胎，四年抱四（張天寶、張天牧、張天朗及張天樂），認真厲害！唔少網民得知政府擬派2萬元「迎生錢」後，紛紛留言關心已經做咗結紮手術嘅Steven同埋佢老婆雯雯，例如「張致恆：早知唔紮」、「開正雯雯最叻果範 但條廢柴就走去結紮」、「雯雯生多46件可以做百萬富翁」、「張致恒 蝕咗」、「哎呀，戥雯雯唔抵，生早左」、「而家先派錢，Steven一家咪蝕咗」、「哎呀！Steven剛結紮了......」、「生得太早如果唔係已袋八皮 唯有再生多四個拉上補下」、「張致恆失去了一切」、「Steven紮咗點算？」及「我諗張生依家好嬲」等等。

另外，Steven及雯雯結婚以來多次傳出財困，雯雯早前已經為咗解決經濟上嘅燃眉之急，不惜開設新IG帳戶兼會員制，每月收費為50港幣，不過之後佢又宣布取消會員制及安排退款。去到日前佢又喺IG出2個Story表示想搵快錢：「能夠最快賺到錢嘅工作，歡迎搵我！」及「急需賺快錢，救命！」，有熱心網民見到後就為佢介紹工作。去到噚日， 雯雯開設Youtube頻道，並預告會同老公Steven拍Q&A，唔少網民都表示期待二人拍片嘅火花。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！